ന്യൂയോർക്ക്: അമേരിക്കയിലെ നെവാഡയിൽ നടന്ന ആനുവൽ എയർ റേസ് മത്സരത്തിനിടെ വിമാനം തകർന്ന് പൈലറ്റ് മരിച്ചു. തകർന്നു വീണ വിമാനം നിമിഷങ്ങൾക്കുള്ളിൽ തന്നെ പൊട്ടിത്തെറിച്ചാണ് പൈലറ്റിന് ദാരുണാന്ത്യം സംഭവിച്ചത്. അപകടത്തിന്റെ ദൃശ്യങ്ങൾ സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്. വിമാനം നിലംതൊട്ട ഉടനെ തന്ന തീഗോളമായി മാറുന്നത് ദൃശ്യങ്ങളിൽ വ്യക്തമാണ്.
എല്ലാ വർഷവും നടക്കാറുള്ള റെനോ എയർ റേസ് ചാമ്പ്യൻഷിപ്പിന്റെ അവസാന ദിവസമാണ് അപകടമുണ്ടായത്. വിഷയത്തിൽ നാഷണൽ ട്രാൻസ്‌പൊർട്ടേഷൻ സേഫ്റ്റി ബോർഡും, ഫെഡറൽ ഏവിയേഷൻ അഡ്മിനിസിട്രേഷനും വിശദമായ അന്വേഷണം നടത്തുമെന്ന് റേസ് ചെയർമാൻ ഫ്രെഡ് ടെല്ലിംഗ് പറഞ്ഞു.
മറ്റ് വിമാനങ്ങളൊന്നും അപകടത്തിൽ പെട്ടിട്ടില്ലെന്നും ഫ്രെഡ് ട്രെല്ലിംഗ് പറഞ്ഞു. അപകടമുണ്ടായതിന് പിന്നാലെ അന്നേ ദിവസം നടത്താനിരുന്ന മറ്റ് മത്സരങ്ങളും റദ്ദാക്കിയിരുന്നു.
