പാലക്കാട്: അട്ടപ്പാടി ഊരിൽ വീണ്ടും ശിശുമരണം. സജിത – വിനോദ് ദമ്പതികളുടെ നാലു മാസം പ്രായമുള്ള കുഞ്ഞാണ് മരിച്ചത്.ഇന്നലെ രാത്രി വീട്ടിൽ ഉറക്കി കിടത്തിയ കുഞ്ഞിന് ഇന്ന് രാവിലെ അനക്കമില്ലാതായതോടെ അഗളി സാമൂഹിക ആരോഗ്യ കേന്ദ്രത്തിലെത്തിക്കുകയായിരുന്നു.ഇവിടെ വെച്ചാണ് കുഞ്ഞിന്റെ മരണം സ്ഥിരീകരിച്ചത്.
മുലപ്പാൽ കുരുങ്ങിയാണ് മരണം എന്നാണ് പോലീസിന്റെ പ്രാഥമികനിഗമനം. എന്നാൽ ഇന്നലെ രാത്രി ചുമയ്ക്കുള്ള മരുന്ന് കൊടുത്തിരുന്നു. അതിന്റെ ഫലമാണോ മരണത്തിന് കാരണം എന്നും അന്വേഷണം നടക്കുന്നുണ്ട്.
