പാലക്കാട്:അട്ടപ്പാടിയില് വീണ്ടും ശിശുമരണം റിപ്പോര്ട്ട് ചെയ്തു. അട്ടപ്പാടി ചിറ്റൂര് ഊരിലെ ഷിജു- സുമതി ദമ്പതികളുടെ പെണ്കുഞ്ഞാണ് മരിച്ചത്. പ്രസവിച്ച ഉടനെ കുഞ്ഞ് മരിച്ചു. ഇന്ന് രാവിലെയായിരുന്നു പ്രസവം.
സുമതി ഉയര്ന്ന രക്തസമ്മര്ദത്തെ തുടര്ന്ന് തൃശൂര് മെഡിക്കല് കോളജില് ചികിത്സയിലായിരുന്നു. സ്കാനിംഗില് ഭ്രൂണാവസ്ഥയില് തന്നെ കുഞ്ഞിന്റെ തലയില് മുഴയുണ്ടായിരുന്നു . ഈ മുഴയാണോ മരണകാരണം എന്നതില് വ്യക്ത വരേണ്ടതുണ്ട്. ഈ വര്ഷം അട്ടപ്പാടിയില് നടക്കുന്ന ഒമ്പതാമത്തെ ശിശുമരണമാണിത്. നവജാത ശിശു മരണം അഞ്ചാമത്തേതുമാണ്.
കഴിഞ്ഞ വര്ഷം നിരവധി ശിശുമരണങ്ങളുണ്ടായ പശ്ചാത്തലത്തില് ആരോഗ്യ മന്ത്രി നേരിട്ട് തന്നെ അട്ടപ്പാടിയിലെത്തി കാര്യങ്ങള് അന്വേഷിച്ചു. തുടര്ന്ന് അട്ടപ്പാടി ട്രൈബല് ഹെല്ത്ത് ആശുപത്രിയില് കൂടുതല് സൗകര്യങ്ങള് ഏര്പ്പെടുത്തിയെങ്കിലും ശിശുമരണം തുടരുകയാണ്.
