പാലക്കാട്: അട്ടപ്പാടിയില് വീണ്ടും ശിശുമരണം. അട്ടപ്പാടി താഴെ അബ്ബന്നൂരിലെ ചീരി- രങ്കന് ദമ്പതികളുടെ കുഞ്ഞാണ് മരിച്ചത്. കുഞ്ഞിനെ കൂക്കന് പാളയം സ്വകാര്യ ആശുപത്രിയില് എത്തിച്ചെങ്കിലും മരണം സംഭവിക്കുകയായിരുന്നു. കൂടുതൽ വിവരങ്ങൾ ലഭ്യമാകുന്നതേയുള്ളൂ.
അതേസമയം കേരളത്തെ ഞെട്ടിച്ചുകൊണ്ട് അട്ടപ്പാടിയില് ശിശുമരണങ്ങള് തുടര്ക്കഥയാകുകയാണ്. ഈ വര്ഷം ഇത് അഞ്ചാമത്തെ ശിശുമരണമാണ് റിപ്പാർട്ട് ചെയ്തത്. അട്ടപ്പാടിയില് ശിശുമരണം തടയുന്നതിനുള്ള നടപടികളുമായി സർക്കാർ മുന്നോട്ടു പോകുന്നുവെന്ന് പറയപ്പെടുമ്പോഴും വീണ്ടും മരണം ആവര്ത്തിക്കുന്നതായി റിപ്പോർട്ട് ചെയ്യപ്പെടുന്നുവെന്നത് ശ്രദ്ധേയമാണ്.
കഴിഞ്ഞ മാസം മാർച്ച് 21 നാണ് അട്ടപ്പാടിയിൽ ഒടുവിലായി മരണം റിപ്പാർട്ട് ചെയ്യപ്പെട്ടത്. മേട്ടുവഴിയില് മരുതന്- ജിന്സി ദമ്പതികളുടെ നാല് മാസം പ്രായമുള്ള ആണ്കുഞ്ഞാണ് മരിച്ചത്. അതുപോലെ കഴിഞ്ഞ വര്ഷം ഒമ്പത് നവജാത ശിശുക്കള് മരിച്ചതായാണ് ഔദ്യോഗിക കണക്ക്. ഒരു വയസിന് താഴെ പ്രായമുള്ള കുട്ടികള് മരിക്കുമ്പോഴാണ് ശിശുമരണങ്ങളുടെ പട്ടികയില് ഉള്പെടുത്തുക.