കോഴിക്കോട്: ഹോട്ടല്‍ ജോലിക്കിടെ കഞ്ചാവ് വില്‍പ്പന നടത്തിയ അന്യസംസ്ഥാന തൊഴിലാളി അറസ്റ്റില്‍. പശ്ചിമ ബംഗാള്‍ സ്വദേശി മിര്‍ സിറാജുദീന്‍(32) ആണ് പൊലീസ് പിടിയിലായത്.
ആവോലത്തെ ഹോട്ടല്‍ ജീവനക്കാരനായിരുന്നു ഇയാള്‍. ഫോണില്‍ ബന്ധപ്പെടുന്നവര്‍ക്ക് കഞ്ചാവ് കൈമാറുന്നതായിരുന്നു ഇയാളുടെ രീതി. ശരീരത്തിന്‍റെ വിവിധ ഭാഗങ്ങളിലാണ് ഇയാള്‍ കഞ്ചാവ് ഒളിപ്പിച്ചത്.
നാദാപുരം എസ്‌ഐ പ്രശാന്തിന്‍റെ നേതൃത്വത്തിലുള്ള സ്‌ക്വാഡാണ് പരിശോധന നടത്തിയത്. പ്രധാനമായും അന്യസംസ്ഥാന തൊഴിലാളികളെ കേന്ദ്രീകരിച്ചാണ് ഇയാള്‍ കഞ്ചാവ് വില്‍പ്പന നടത്തിയിരുന്നതെന്ന് പൊലീസ് പറഞ്ഞു. പ്രതിയെ കോടതിയില്‍ ഹാജരാക്കി.
