മുംബൈ: ബ്രഹ്മാണ്ഡ പരമ്പരയായ ‘രാമായണ’ത്തിൽ രാവണന്റെ വേഷം അവതരിപ്പിച്ച മുതിർന്ന നടൻ അരവിന്ദ് ത്രിവേദി (Arvind Trivedi) അന്തരിച്ചു. വാർദ്ധക്യസഹജമായ അസുഖത്തെ തുടർന്ന് ചികിത്സയിലായിരുന്നു അദ്ദേഹം. ഹൃദയാഘാതമാണ് മരണ കാരണം.
രാമനന്ദ് സാഗറിന്റെ പരമ്പരയായ രാമായണത്തിൽ രാവണൻ എന്ന കഥാപാത്രത്തിലൂടെ ഏറ്റവും കൂടുതൽ ഓർമ്മിക്കപ്പെടുന്ന അരവിന്ദ് ത്രിവേദി നിരവധി ജനപ്രിയ ഗുജറാത്തി സിനിമകളിൽ പ്രവർത്തിച്ചിട്ടുണ്ട്. ഹിന്ദി, ഗുജറാത്തി എന്നിവയുൾപ്പെടെ 300 ഓളം ചിത്രങ്ങളിൽ അദ്ദേഹം അഭിനയിച്ചു. 1991 മുതൽ 1996 വരെ
അദ്ദേഹം പാർലമെന്റ് അംഗമായിരുന്നു. സബർകഥ മണ്ഡലത്തിൽ നിന്നാണ് അദ്ദേഹം തിരഞ്ഞെടുക്കപ്പെട്ടത്. സെൻസർ ബോർഡ് ഫോർ ഫിലിം സർട്ടിഫിക്കേഷന്റെ(സിബിഎഫ്‌സി) ആക്ടിംഗ് ചെയർമാൻ കൂടിയാണ് ത്രിവേദി.
