കോട്ടയം:ഇന്ന് രാവിലെയാണ് ആര്യാടൻ മുഹമ്മദ് അന്തരിച്ചത്. 87 വയസായിരുന്നു. കോഴിക്കോട്ടെ സ്വകാര്യ ആശുപത്രിയില് ചികിത്സയിലിരിക്കെയാണ് അന്ത്യം. കോൺഗ്രസിലെ മുതിര്ന്ന നേതാവായിരുന്ന ആര്യാടന് മുഹമ്മദ് കേരള നിയമസഭയിലെ മുൻ വൈദ്യുതി, ഗതാഗത മന്ത്രിയുമായിരുന്നു.
മുന് മന്ത്രി ആര്യാടന് മുഹമ്മദിന്റെ വിയോഗം കോണ്ഗ്രസിനും മതേതര കേരളത്തിനും കനത്ത നഷ്ടമാണെന്ന് മുന് മുഖ്യമന്ത്രി ഉമ്മന് ചാണ്ടി. കോണ്ഗ്രസിന്റെ മലബാറിലെ അതികായനും കറകളഞ്ഞ മതേതരവാദിയുമായിരുന്നു ആര്യാടന് മുഹമ്മദ്.മികച്ച ഭരണാധികാരി,രാഷ്ട്രീയ തന്ത്രഞ്ജൻ,ട്രേഡ് യൂണിയന് നേതാവ്,തുടങ്ങിയ നിലകളിലെല്ലാം വ്യക്തി മുദ്ര പതിപ്പിച്ച നേതാവാണ് അദ്ദേഹം.
2004ലെ യുഡിഎഫ് മന്ത്രിസഭയില് വൈദ്യുതിമന്ത്രിയായിരിക്കെ മലയോരങ്ങളിലും ആദിവാസി കോളനികളിലുമൊക്കെ വൈദ്യുതി എത്തിച്ച അദ്ദേഹത്തിന്റെ പ്രവര്ത്തനം ശ്രദ്ധേയമായിരുന്നു. മലബാറിലെ വോള്ട്ടേജ് ക്ഷാമം പരിഹരിക്കുന്നതിനും മുന്കൈ എടുത്തു. ശക്തമായ നിലപാടുകൾ കൊണ്ട് സ്വയം അടയാളപ്പെടുത്തിയ നേതാവാണ് ആര്യാടനെന്നും ഉമ്മൻചാണ്ടി അനുസ്മരിച്ചു.