തിരുവനന്തപുരം: പതിനഞ്ചാം കേരള നിയമസഭയുടെ ഏഴാം സമ്മേളനത്തിന് നാളെ തുടക്കമാകും. സർക്കാരിന്റെയും ഗവർണറിന്റെയും വിവാദങ്ങൾ നിലനിൽക്കുന്നതിനിടെയാണ് സമ്മേളനം ചേരുന്നത്.ചാൻസിലര് പദവിയിൽ നിന്ന് ഗവര്ണറെ മാറ്റുന്ന ബിൽ പാസ്സാക്കും.വിഴിഞ്ഞം സമരം മുതൽ നഗരസഭയിലെ കത്ത് വിവാദം വരെ സമ്മേളനത്തിൽ ചർച്ചയാകും.സർക്കാർ കാത്തിരിക്കുന്നത് തങ്ങൾക്കെതിരായുള്ള വളെരെ വലിയൊരു പ്രതിഷേധത്തിനാണ്.പതിനാല് സര്വ്വകലാശാലകളുടേയും ചാൻസിലര് സ്ഥാനത്ത് നിന്ന് ഗവര്ണറെ മാറ്റാനുള്ള ബില്ലുകളാണ് സഭാ സമ്മേളനത്തിന്റെ ഹൈലൈറ്റ്.
സമാന സ്വഭാവമുള്ള സര്വ്വകലാശാലകൾക്ക് ഒരു ചാൻസിലര് എന്ന നിലക്ക് അഞ്ച് ബില്ലുകളാണ് തയ്യാറാക്കിയിട്ടുളളത്. നിയമ നിര്മ്മാണത്തെ പ്രതിപക്ഷം എതിര്ക്കും. ഗവര്ണറുടെ ആര്എസ്എസ് ബന്ധം ഉയര്ത്തിക്കാട്ടിയുള്ള പ്രതിരോധം പ്രതിപക്ഷ നിരയിൽ വിള്ളലുണ്ടാക്കുമെന്ന കണക്ക് കൂട്ടലിലാണ് ഭരണ പക്ഷം. വിഴിഞ്ഞം തുറമുഖത്തിനെതിരായ സമരത്തിൽ ലത്തീൻ അതിരൂപത ആര്ച്ച് ബിഷപ്പ് അടക്കമുള്ളവര്ക്കെതിരെ എടുത്ത കേസുകൾ, തിരുവനന്തപുരം നഗരസഭയിലെ കത്ത് വിവാദം, സിൽവര് ലൈനിൽ നിന്നുള്ള പിൻമാറ്റം തുടങ്ങി സര്ക്കാരിനെതിരെ പ്രയോഗിക്കാൻ ആയുധങ്ങളേറെയാണ്.