Monday, November 16, 2026

അട്ടപ്പാടി മധു കേസ് !ഒന്നാം പ്രതിയുടെ ശിക്ഷ നടപ്പാക്കുന്നത് മരവിപ്പിച്ച് ഹൈക്കോടതി !അപ്പീലിൽ വിധി പറയുന്നത് വരെ ഒന്നാം പ്രതി ഹുസൈന് ജാമ്യത്തിൽ പുറത്തിറങ്ങാം

കൊച്ചി : അട്ടപ്പാടി മധു വധക്കേസിലെ ഒന്നാം പ്രതിയുടെ ശിക്ഷ നടപ്പാക്കുന്നത് ഹെെക്കോടതി മരവിപ്പിച്ചു. കേസിലെ മറ്റ് 12 പ്രതികളുടെ ഇടക്കാല ഹർജിയും കോടതി തള്ളി. മണ്ണാർക്കാട് എസ് സി – എസ് ടി കോടതി വിധിക്കെതിരെ പ്രതികൾ നൽകിയ അപ്പീലിലാണ് ഹെെക്കോടതിയുടെ നടപടി.
ശിക്ഷ മരവിപ്പിച്ചതിനാൽ അപ്പീൽ വിധി പറയുന്നത് വരെ ഒന്നാം പ്രതി ഹുസൈന് ജാമ്യത്തിൽ പുറത്തിറങ്ങാൻ കഴിയും.

അട്ടപ്പാടി മധു കേസിലെ പ്രതികളെ ഏഴ് വർഷം തടവിനാണ് വിചാരണ കോടതി ശിക്ഷിച്ചത്. അപ്പീലിൽ വിധി വരുന്നത് വരെ ശിക്ഷ നടപ്പാക്കുന്നത് തടയണം എന്നായിരുന്നു ആവശ്യം.
ഒരു ലക്ഷം രൂപയുടെ സ്വന്തം ജാമ്യവും പാലക്കാട് റവന്യു ജില്ല പരിധിയിൽ കടക്കരുതെന്ന നിബന്ധനയുടെയും അടിസ്ഥാനത്തിലാണ് കോടതി ഉത്തരവിട്ടത്. കുറ്റകൃത്യത്തിന്റെ ആദ്യ ഘട്ടത്തിൽ മധുവിനെ ആൾക്കൂട്ടം നടത്തിച്ചു കൊണ്ടു പോകുമ്പോൾ ഹുസെെൻ സംഭവ സ്ഥലത്ത് ഉണ്ടായിരുന്നില്ലെന്ന് കോടതി നിരീക്ഷിച്ചു.അടുത്ത വർഷം ജനുവരിയിലായിരിക്കും പ്രതികളുടെയും സർക്കാരിന്റെയും അപ്പീലിൽ കോടതി വാദം കേൾക്കുക. അട്ടപ്പാടിയിൽ വനവാസി യുവാവായ മധുവിനെ മോഷണക്കുറ്റം ആരോപിച്ച് 2018 ഫെബ്രുവരി 22 ന് പ്രതികൾ മർദ്ദിച്ചു കൊന്നെന്നാണ് കേസ്. വിചാരണക്കോടതി കേസിലെ 13 പ്രതികൾക്ക് ഏഴുവർഷം തടവുശിക്ഷയാണ് വിധിച്ചത്.

Related Articles

Latest Articles