തിരുവനന്തപുരം : ഈ വര്‍ഷത്തെ ആറ്റുകാല്‍ പൊങ്കാല (Attukal Pongala) ഫെബ്രുവരി 17ന്. ഈ വർഷത്തെ പൊങ്കാല മഹോത്സവത്തിനെ അനുബന്ധിച്ചുള്ള കലാപരിപാടികൾക്ക് മോഹൻലാൽ തിരിതെളിക്കും. ഉത്സവത്തിന്റെ ഒന്നാം ദിവസമായ ഫെബ്രുവരി ഒമ്പതിന് വൈകിട്ട് ആറര മണിക്കാണ് കലാപരിപാടികളുടെ ഉദ്ഘാടനം. അന്ന് രാവിലെ പത്ത് അമ്പതിനാണ് കാപ്പ് കെട്ടി ദേവിയെ കുടിയിരിത്തും.
അതേസമയം കോവിഡ് രോഗബാധ വർധിക്കുന്ന സാഹചര്യത്തിൽ സർക്കാർ തീരുമാനം എടുക്കുന്നതിന്റെ അടിസ്ഥാനത്തിലായിരിക്കും പൊങ്കാല മഹോത്സവം നടത്തുക. മൂന്നാം ഉത്സവ ദിവസമായ പതിനൊന്നാം തീയതി രാവിലെ എട്ടരയ്ക്കാൻ കുത്തിയോട്ട വ്രതം ആരംഭിക്കുന്നത്. പതിനേഴാം തീയതി കുത്തിയോട്ടത്തിനു ചൂരൽ കുത്തുന്നത് രാത്രി ഏഴര മണിക്കാണ്. പതിനേഴിന് രാവിലെ 10.50 നാണു പൊങ്കാല അടുപ്പിൽ തീ പകരുന്നത്. ഉച്ചയ്ക്ക് 1.20 നു പൊങ്കാല നിവേദ്യം. ഉത്സവം 18 നു സമാപിക്കും.
