മുംബൈ: രഹസ്യവിവരത്തെ തുടര്ന്ന് ബാറിൽ നടത്തിയ പരിശോധനയിൽ 27 പേർ അറസ്റ്റിൽ. മുംബൈ ക്രൈംബ്രാഞ്ചിലെ സോഷ്യല് സര്വീസ് ബ്രാഞ്ച് നടത്തിയ റെയ്ഡിലാണ് സംഘം അറസ്റ്റിലായത്. തുടർന്ന് റെയ്ഡിനിടെ കണ്ടെത്തിയ 12 യുവതികളെ പോലീസ് രക്ഷപ്പെടുത്തി.
ബാറില് അശ്ലീല നൃത്തം നടക്കുന്നുണ്ടെന്നും, അനധികൃത ഇടപാടുകളും പ്രവര്ത്തനങ്ങളും അരങ്ങേറുന്നുണ്ടെന്നുമായിരുന്നു പോലീസിന് രഹസ്യവിവരം ലഭിച്ചത്. ഇതിന്റെ അടിസ്ഥാനത്തിലായിരുന്നു റെയ്ഡ്.
എന്നാൽ ബാറിനുള്ളിലേക്ക് നിയന്ത്രണങ്ങളോടെയായിരുന്നു പ്രവേശനം. മാത്രമല്ല മുന്കൂട്ടി അനുവാദം ലഭിച്ച ഉപഭോക്താക്കളെ മാത്രം പങ്കെടുപ്പിച്ച് കൊണ്ടാണ് നിയമവിരുദ്ധ പ്രവര്ത്തനങ്ങള് നടന്നിരുന്നത്.
സംഭവത്തില് ബാര് ജീവനക്കാര് ഉള്പ്പെടെയുള്ള 27 അംഗ സംഘമാണ് അറസ്റ്റിലായത്. സമാനരീതിയില് കഴിഞ്ഞയാഴ്ച ബാറില് നിന്നും 25 യുവതികളെ രക്ഷപ്പെടുത്തിയിരുന്നു. തുടർന്ന് 30 ജീവനക്കാരും അറസ്റ്റിലായി.
