ബെംഗളൂരു: ഐ.ടി ഹബ്ബായി അറിയപ്പെടുന്ന ബെംഗളൂരു നഗരത്തിന്റെ തെരുവുകൾ ഇപ്പോൾ പിങ്ക് നിറങ്ങളാൽ മൂടപ്പെട്ടിരിക്കുകയാണ്. പിങ്കിൽ കുളിച്ച ബെംഗളുരുവിന്റെ ചിത്രങ്ങളും വീഡിയോകളും സോഷ്യൽ മീഡിയയിൽ വൈറലാവുകയാണ്. പിങ്ക് പൂക്കളാൽ അലങ്കരിച്ച നഗരത്തിന്റെ ആകാശക്കാഴ്ചയുടെ ഒരു വിഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
രാജ് മോഹൻ എന്ന ഫോട്ടോഗ്രാഫറാണ് ട്വിറ്ററിൽ ഈ മനോഹരമായ കാഴ്ചയുടെ വീഡിയോ പോസ്റ്റ് ചെയ്തിരിക്കുന്നത്. പൂത്തുലഞ്ഞു നിൽക്കുന്ന പിങ്ക് പൂക്കൾ, അടുത്തായി ഇലകളാൽ തീർത്ത മനോഹാരിത, അതിനു നടവിലൂടെ കൂകി പായുന്ന തീവണ്ടി. ഈ മനോഹര കാഴ്ചയാണ് വിഡിയോയിൽ കാണുവാൻ സാധിക്കുന്നത്. വേനൽ കാലത്തെ ബെംഗളൂരുവിന്റെ പിങ്ക് വസന്തത്തിന്റെ വിഡിയോ ഇപ്പോൾ സാമൂഹിക മാധ്യമങ്ങളിൽ ഏറെ ശ്രദ്ധ നേടുകയാണ്
