ഭഗവദ്ഗീതയാണ് മാതാവെന്ന് പ്രഖ്യാപിച്ചിരുന്ന മഹാത്മാ ഗാന്ധി ഹിന്ദുവായതില് അഭിമാനിച്ചിരുന്നുവെന്നും, ജീവിച്ചിരുന്നെങ്കില് രാഷ്ട്രീയ സ്വയം സേവക സംഘത്തില് ചേര്ന്ന് പ്രവര്ത്തിക്കുമായിരുന്നെന്നും ബി ജെ പി മുന് സംസ്ഥാന അദ്ധ്യക്ഷന് പി കെ കൃഷ്ണദാസ്.
മഹാത്മാ ഗാന്ധിയുടെ 152ാം ജന്മവാര്ഷികം ആഘോഷിക്കുന്ന ഇന്ന് ഫേസ്ബുക്ക് കുറിപ്പിലൂടെയായിരുന്നു കൃഷ്ണ ദാസ് രംഗത്തെത്തിയത്. ‘ഗാന്ധിജിക്ക് പറ്റിയ വലിയ തെറ്റായിരുന്നു നെഹ്റുവെന്നും, നെഹ്റു കുഴിച്ചു മൂടിയ ഗാന്ധിയന് സ്വപ്നങ്ങള് സാക്ഷാത്കരിക്കാന് പ്രതിജ്ഞാബദ്ധനായ ഭരണാധികാരിയാണ് നരേന്ദ്ര മോദിയെന്നും’ അദ്ദേഹം ഫേസ്ബുക് കുറിപ്പിലൂടെ അഭിപ്രായപ്പെട്ടു.
ഫേസ്ബുക്ക് പോസ്റ്റിന്റെ പൂര്ണ്ണരൂപം:-
‘ആദര്ശം കൊണ്ടും ജീവിതം കൊണ്ടും ദേശീയ പുരുഷനായിരുന്നു ഗാന്ധി. ഹിന്ദുവാണെന്ന് അഭിമാനിച്ചിരുന്ന ഗാന്ധി, ഭഗവദ് ഗീത മാതാവാണെന്ന് ഗാന്ധി പ്രഖ്യാപിച്ചു. ഗാന്ധിയുടെ അഹിംസയും സ്വദേശി പ്രസ്ഥാനവും കര്മ്മസിദ്ധാവുമെല്ലാം ഗീതയെ അടിസ്ഥാനപ്പെടുത്തിയായിരുന്നു, ദാര്ശനിക തലത്തില് ഗാന്ധി സ്വയം സേവകനായിരുന്നു. ഇന്ന് ജീവിച്ചിരുന്നെങ്കില് രാഷ്ട്രീയ സ്വയം സേവക സംഘത്തില് ചേര്ന്ന് പ്രവര്ത്തിക്കുമായിരുന്നു. ഗാന്ധിജിക്ക് പറ്റിയ വലിയ തെറ്റായിരുന്നു നെഹ്റു. നെഹ്റു കുഴിച്ചു മൂടിയ ഗാന്ധിയന് സ്വപ്നങ്ങള് സാക്ഷാത്കരിക്കാന് പ്രതിജ്ഞാബദ്ധനായ ഭരണാധികാരിയാണ് ശ്രീമാന് നരേന്ദ്രമോദി.
