കൊച്ചി: ലോക്സഭാ തിരഞ്ഞെടുപ്പില് കേരളത്തില് ബിജെപി മികച്ച വിജയം കൈവരിക്കുമെന്ന് ദേശീയ ന്യൂനപക്ഷമോര്ച്ച അധ്യക്ഷന് അബ്ദുള്റഷീദ് അന്സാരി. സംസ്ഥാനത്ത് ബിജെപി അഞ്ച് സീറ്റുകള് നേടുമെന്ന് അദ്ദേഹം പറഞ്ഞു. ജനങ്ങളുടെ പ്രതീക്ഷയേക്കാള് മികച്ച ഭരണമാണ് മോദി സര്ക്കാര് കാഴ്ചവച്ചതെന്നും ന്യൂനപക്ഷത്തെ പരിഗണിച്ച ആദ്യ സര്ക്കാരാണ് ഇതെന്നും അന്സാരി പറഞ്ഞു.
ന്യൂനപക്ഷ വിഭാഗത്തിലെ 33 ശതമാനം പെണ്കുട്ടികള്ക്ക് മികച്ച സ്കോളര്ഷിപ്പ് ലഭിച്ചത് മോദി സര്ക്കാരിന്റെ നേട്ടമായി അദ്ദേഹം ചൂണ്ടിക്കാട്ടി.
കേരളത്തില് നേര്ക്കുനേര് മത്സരിക്കുന്ന എല്ഡിഎഫ്, യുഡിഎഫ് മുന്നണികള് ബംഗാളില് ഒന്നിച്ചുനിന്ന് ബിജെപിയെ നേരിടുന്നതിനെ തരംതാണ രാഷ്ട്രീയമായാണ് അന്സാരി വിലയിരുത്തുന്നത്. ഇരുമുന്നണികളും മോദി എതിരാളിയാണെന്നാണ് പറയുന്നതെന്നും മോദിയില്ലെങ്കില് മാത്രമാണ് ഇവര് എതിര്ചേരിയിലാകുന്നതെന്നും അദ്ദേഹം കൂട്ടിച്ചേര്ത്തു.
