ദില്ലി: ഇന്ദിരാഗാന്ധി വിമാനത്താവളത്തിൽ ബോംബ് ഭീഷണി. ദില്ലിയിൽ നിന്നും കൊൽക്കത്തയിലേക്ക് പുറപ്പെടേണ്ട വിമാനത്തിൽ ബോംബ് വച്ചിട്ടുണ്ടെന്നായിരുന്നു ഭീഷണി സന്ദേശം. പുലർച്ചെ 5.15ഓടെയാണ് വിമാനത്താവളത്തിലേക്ക് സന്ദേശമെത്തിത്. സംഭവത്തിൽ പോലീസ് അന്വേഷണം ആരംഭിച്ചു.
സംഭവസ്ഥലത്ത് പോലീസ് പരിശോധന നടത്തി. എന്നാൽ, പരിശോധനയിൽ ഒന്നും തന്നെ കണ്ടെത്താനായില്ല. ഭീഷണി സന്ദേശം വ്യാജമാണെന്നാണ് നിഗമനം. ബോംബ് ഭീഷണിയെ തുടർന്ന് വിമാനത്താവളത്തിൽ സുരക്ഷ ശക്തമാക്കിയിട്ടുണ്ട്. നേരത്തെയും ഇന്ദിരാഗാന്ധി വിമാനത്താവളത്തിൽ ഭീഷണി എത്തിയതിനെ തുടർന്ന് സുരക്ഷ ശക്തമാക്കിയിരുന്നു.