പാറ്റ്ന: ആർജെഡി നേതാവ് തേജസ്വി യാദവിന്റെ വാഹനവ്യൂഹം ഇടിച്ച് ഒരാൾ മരിച്ചു. 11 പേർക്ക് പരിക്കേറ്റു, ഇതിൽ അഞ്ച് പേരുടെ നില ഗുരുതരമാണ്. പരിക്കേറ്റവരിൽ 6 പേർ പോലീസുകാരാണ്. പൂർണിയ ജില്ലയിലെ പനോരമ ഹൈറ്റ്സ് ഭവന സമുച്ചയത്തിന് സമീപമായിരുന്നു അപകടം.
ജൻ വിശ്വാസ് യാത്രയ്‌ക്കിടെ, തേജസ്വി യാദവിന്റെ വാഹനവ്യൂഹം പൂർണിയയിലെ ബെലൗരിയിലൂടെ കടന്നുപോകുകയായിരുന്നുവെന്നാണ് റിപ്പോർട്ട്. വാഹനവ്യൂഹം പൂർണിയ-കതിഹാർ നാലുവരി പാതയിൽ റോഡിന്റെ തെറ്റായ വശത്തുകൂടിയാണ് സഞ്ചരിച്ചത്. ഇതിനിടയിലാണ് കാർ നിയന്ത്രണം വിട്ട് മറ്റൊരു കാറിൽ ചെന്നിടിച്ചത്. പൈലറ്റ് വാഹനത്തിന്റെ ഡ്രൈവറാണ് മരിച്ചത്. വാഹനവ്യൂഹത്തിൽ തേജസ്വി യാദവ് ഉണ്ടായിരുന്നോ എന്ന കാര്യം വ്യക്തമല്ല. ഡ്രൈവർ സംഭവസ്ഥലത്ത് വെച്ച് തന്നെ മരിച്ചു.
