കണ്ണൂർ:കണിച്ചാർ വില്ലേജിൽ ഉണ്ടായ ഉരുൾപൊട്ടലിനെ പ്രത്യേക ദുരന്തമായി കണക്കാക്കാൻ മന്ത്രിസഭാ യോഗത്തിന്റെ തീരുമാനം.വീടുകൾക്ക് നാശ നഷ്ടം നൽകുമെന്നും വീട് നഷ്ടപ്പെട്ടവർക്ക് 4 ലക്ഷം രൂപ നൽകുമെന്നുമാണ് പ്രഖ്യാപനം.എന്നാൽ സർക്കാരിന്റെ വാക്കുകളിൽ ജനങ്ങൾ സംതൃപ്തരല്ല.കാരണം കഴിഞ്ഞ വർഷങ്ങളിൽ വീട് നഷ്ടപ്പെട്ടവർക്കും മറ്റുമായി ദുരിതാശ്വാസ നിധിയിൽ നിന്നും ധന സഹായം നൽകുമെന്ന് വാഗ്ദാനം ചെയ്ത കേരള സർക്കാർ ലക്ഷകണക്കിന് ജനങ്ങളെയാണ് പറ്റിച്ചത്.അതുകൊണ്ട് തന്നെ സർക്കാരിന്റെ സ്ഥിരം പരിപാടിയാണ് ഈ അംഗീകരിക്കലിനെ ജനം ഉൾക്കൊള്ളുന്നത്.
ഉരുൾപൊട്ടലിനെ തുടർന്ന് വീടുകളിലേക്ക് മടങ്ങാൻ സാധിക്കാതിരുന്ന 59 കുടുംബങ്ങളിലെ 170 മുതിർന്ന വ്യക്തികൾക്ക് 100 രൂപ വീതവും 33 കുട്ടികൾക്ക് 60 രൂപ വീതവും ക്യാമ്പിന് പുറത്ത് താമസിച്ച ദിവസം കണക്കാക്കി ധനസഹായം നൽകുമെന്നും റോഡുകൾ, കെട്ടിടങ്ങൾ, വീടുകൾ, പാലങ്ങൾ, കലുങ്കുകൾ, വൈദ്യുതി പോസ്റ്റുകൾ, കൃഷി, മൃഗസംരക്ഷണം, കുടിവെള്ള സ്രോതസുകൾ എന്നിവയ്ക്ക് കേടുപാടുകൾ സംഭവിച്ചതിന് നഷ്ടം ക്ലെയിം ചെയ്യുവാൻ ബന്ധപ്പെട്ട വകുപ്പുകൾക്ക് നിർദ്ദേശം നൽകുമെന്നുമാണ് സർക്കാർ പ്രഖ്യാപിച്ചിരിക്കുന്നത്.
