കുളനട: നിരോധിത പ്ലാസ്റ്റിക് മാലിന്യങ്ങള് വലിച്ചെറിയുന്നവര്ക്ക് പിഴയേർപ്പെടുത്തി കുളനട ഗ്രാമപഞ്ചായത്ത്. ഗ്രാമപഞ്ചായത്ത് പരിധിയില് പ്ലാസ്റ്റിക് ഉത്പന്നങ്ങളുടെ വിപണനം, പ്ലാസ്റ്റിക് മാലിന്യങ്ങള് വലിച്ചെറിയുക, കത്തിക്കുക, ഒഴുക്കി വിടുക എന്നിവയ്ക്കെതിരേ നിയമ നടപടികള് സ്വീകരിക്കുമെന്ന് കുളനട ഗ്രാമപഞ്ചായത്ത് സെക്രട്ടറി അറിയിച്ചു.
കൂടാതെ ഗ്രാമപഞ്ചായത്ത് പരിധിയിലുളള വീടുകളിലും മറ്റെല്ലാ സ്ഥാപനങ്ങളിലും മാലിന്യങ്ങള് തരംതിരിച്ച് ജൈവ മാലിന്യങ്ങള് ഉറവിടത്തില് സംസ്കരിക്കേണ്ടതും അജൈവ മാലിന്യങ്ങള് ഹരിതകര്മസേനയ്ക്ക് കൈമാറേണ്ടതുമാണെന്നും പഞ്ചായത്ത് അധികൃതർ അറിയിച്ചു.