തിരുവനന്തപുരം: മുഖ്യമന്ത്രിയുടെ യുഎസ്, ക്യൂബ യാത്രകള്ക്ക് കേന്ദ്രം അനുമതി നൽകി. ജൂണ് 8 മുതല് 18 വരെയാണ് യാത്ര. ലോക കേരളസഭയുടെ മേഖലാ സമ്മേളനത്തില് പങ്കെടുക്കാനാണ് മുഖ്യന്റെ യുഎസ് സന്ദര്ശനം. അതേസമയം, മുഖ്യമന്ത്രിയുടെ യു.എ.ഇ യാത്രയ്ക്ക് നേരത്തെ കേന്ദ്രം അനുമതി നിഷേധിച്ചിരുന്നു.
സ്പീക്കറും ധനമന്ത്രിയും അടക്കം 11 അംഗങ്ങള് മുഖ്യമന്ത്രിയുടെ വിദേശയാത്രാ സംഘത്തിലുണ്ട്. അമേരിക്കയിലും സൗദി അറേബ്യയിലുമാണ് ലോക കേരളസഭയുടെ മേഖല സമ്മേളനം നടക്കുന്നത്. ജൂണ് മാസം അമേരിക്കയിലും സെപ്റ്റംബര് മാസം സൗദി അറേബ്യയിലും സമ്മേളനം നടക്കും. യുഎസിലെത്തുന്ന മുഖ്യമന്ത്രി ലോക കേരള സഭയുടെ റീജണല് സമ്മേളനത്തില് പങ്കെടുക്കും. ലോകബാങ്കുമായി യുഎസില് ചര്ച്ച നടത്തുകയും ചെയ്യും.