തിരുവനന്തപുരം: കേരളത്തിലെ ഭീകരവിരുദ്ധ സേന മേധാവിയായി എസ് പി ചൈത്ര തെരേസ ജോണിനെ നിയമിച്ചു. ഇതുസംബന്ധിച്ച സർക്കാർ ഉത്തരവ് പുറത്തിറങ്ങി . 2015 ബാച്ചി ഐപിഎസ് ഉദ്യോഗസ്ഥയാണ് ചൈത്ര തെരേസ ജോണ്. ഭീകര വിരുദ്ധ സേനയുടെ മേധാവിയാകുന്ന സംസ്ഥാനത്തെ ആദ്യ വനിതകൂടിയാണ് ചൈത്ര .
നേരത്തെ സിപിഎം ജില്ലാ കമ്മിറ്റി ഓഫീസിൽ റെയ്ഡ് നടത്തിയതുമായി ബന്ധപ്പെട്ട വിവാദത്തിൽ ചൈത്രക്കെതിരെ സർക്കാർ നടപടി എടുത്തിരുന്നു. എസിപിയായിരുന്ന ചൈത്ര തെരേസ ജോണിനെ സർക്കാർ വനിത ബറ്റാലിയന്‍റെ ചുമതലയിലേക്ക് മാറ്റുകയായിരുന്നു.അതിനിടെയാണ് ചൈത്ര ഭീകരവിരുദ്ധ സേനയുടെ മേധാവിയായി നിയമിതയായത്.
