തിരുവനന്തപുരം: അടുത്ത നിയമസഭാ തിരഞ്ഞെടുപ്പിൽ യുഡിഎഫ് അധികാരത്തിലെത്തിയാൽ ശബരിമലയ്ക്കായി പ്രത്യേക നിയമനിർമാണം നടത്തുമെന്ന് പ്രതിപക്ഷ നേതാവ് രമേശ് ചെന്നിത്തല. ശബരിമല അടക്കമുള്ള വിഷയങ്ങൾ തിരഞ്ഞെടുപ്പ് വിധി നിർണയിക്കുന്നതിൽ നിർണായകമായെന്നും അദ്ദേഹം പറഞ്ഞു.
തിരഞ്ഞെടുപ്പ് വിജയത്തിന് ജനങ്ങളോട് നന്ദി പറയുന്നു, അവർ നൽകിയ വിജയമാണിത്. അമ്പേ പരാജയപ്പെട്ട ഇടതു പക്ഷത്തിന് കേരളത്തിൽ അധികാരത്തിൽ തുടരാൻ അവകാശമില്ല. ഇടതുപക്ഷം ജനമനസുകളിൽ നിന്ന് തൂത്തെറിയപ്പെട്ടെന്നും ചെന്നിത്തല വ്യക്തമാക്കി.
മോദിയും പിണറായിയും മതന്യൂനപക്ഷ- പിന്നോക്ക-ആദിവാസി വിഭാഗങ്ങളെ പീഡിപ്പിക്കുന്നതിലും അവരുടെ അവകാശങ്ങൾ നിഷേധിക്കുന്നതിലും പരസ്പരം മത്സരിക്കുകയായിരുന്നു. കേരളത്തിൽ അധികാരത്തിലെത്തിയാൽ മതന്യൂനപക്ഷ-പിന്നോക്ക-ആദിവാസി വിഭാഗങ്ങൾക്കായി പദ്ധതികൾ ആവിഷ്കരിക്കുമെന്നും അദ്ദേഹം പറഞ്ഞു.
ധാർഷ്ട്യത്തോടെയുള്ള മുഖ്യമന്ത്രിയുടെയും ഇടത് പ്രവർത്തകരുടെയും പ്രവർത്തന ശൈലി അവർക്ക് തിരിച്ചടിയായി, ശൈലി മാറ്റില്ലെന്ന് ണ് മുഖ്യമന്ത്രി ആവർത്തിച്ചതിൽ ഞങ്ങൾക്ക് അദ്ദേഹത്തോട് ഏറെ നന്ദിയുണ്ടെന്നും ചെന്നിത്തല പരിഹസിച്ചു.

