മദ്യപിച്ചെത്തിയ പിതാവ് മകളെ കാലില് തൂക്കി നിലത്തടിച്ചു …അതേസമയം തിരുവനന്തപുരത്ത് മദ്യപിച്ചെത്തിയ പിതാവ് പിഞ്ചുകുഞ്ഞിനെ റോഡിലേക്ക് വലിച്ചെറിഞ്ഞു. മദ്യപിച്ചെത്തിയ പിതാവ് പിഞ്ചുകുഞ്ഞിനെ റോഡിലേക്ക് വലിച്ചെറിയുകയായിരുന്നു.
ഈ സസംഭവങ്ങളെല്ലാം നടക്കുന്നത് നമ്മുടെ കേരളത്തിലാണ് അതായത് ദൈവത്തിന്റെ സ്വന്തം നാടെന്ന് എന്നും ഘോരം ഘോരം പ്രസംഗിക്കുന്ന നമ്മുടെ കേരളത്തിൽ . എന്താണ് ഇതിനു പിന്നിലെ കാരണം ?ഒരുപക്ഷെ സർക്കാരാണ് ഇതിനെല്ലാം കാരണം എന്ന് പറയുമ്പോൾ അവർ പറയുന്ന ന്യായം കള്ളുകുടിച്ചവർ അന്യായം ചെയ്യുന്നതിന് സർക്കാർ എന്ത് പിഴച്ചു. അത് ശെരി പിന്നെന്തിനാണാവോ കേരളം കോവിഡ് മഹാമാരിയുടെ പിടിയിൽ ഓരോ ദിവസവും മുങ്ങി താഴുമ്പോൾ ജനങ്ങൾക്കാവിശ്യമായ ഇടങ്ങളിൽ ശക്തമായ നിയന്ത്രങ്ങൾ ഏർപ്പെടുത്തി പാവങ്ങളുടെ കഞ്ഞികുടിമുട്ടിച്ച് കുടിയന്മാരുടെ ദാഹം മാറ്റാൻ ഇത്രയേറെ കഷ്ട്ടപെടുന്നു. ഓരോ വീടുകളിലും കുട്ടികളും സ്ത്രീകളും, വൃദ്ധരും സുരക്ഷിതരാണെന്ന് ഉറപ്പിക്കേണ്ട ഈ ഭരകൂടം തന്നെ അവരുടെ മരണത്തിന് കാരണക്കാരാകുന്നു.
ഇനി ഞെട്ടിപ്പിക്കുന്ന മറ്റൊരു സത്യം പറയട്ടെ… ഇന്ത്യയിൽ ഏറ്റവും കൂടുതൽ പെൺകുട്ടികൾ പീഡിപ്പിക്കപ്പെടുന്ന സംസ്ഥാനം നമ്മുടെ ഈ കേരളമാണ് എന്നാണ് റിപ്പോർട്ടുകൾ പറയുന്നത്. അതേസമയം കാലന്മാർ മനുഷ്യരാകുന്ന ഒരു വിശേഷണവും ഇന്ന് കേരളത്തിനുണ്ട്. ലഹരി ഉത്പന്നങ്ങൾ കേരളത്തിലേക്ക് ദിനംപ്രതി ഒഴുകിയെത്തുകയാണ് . മയക്കുമരുന്ന് അടിച്ചു കേറ്റി അമ്മയെയും പെങ്ങളെയും തിരിച്ചറിയാനാകാത്ത മനുഷ്യ മൃഗങ്ങളായി മാറുകയാണ് കേരളത്തിലെ ജനങ്ങൾ.
സ്ത്രീകള്ക്കെതിരായ കുറ്റകൃത്യങ്ങളുടെ കാര്യത്തില് കേരളം വളരെ മുന്നിലാണെന്ന നാഷണല് ക്രൈം റെക്കോര്ഡ്സ് ബ്യൂറോ ആധികാരികമായി വ്യക്തമാക്കുമ്പോള് തകര്ന്നു വീഴുന്നത് ദൈവത്തിന്റെ സ്വന്തം നാട് എന്ന പേരില് നിരന്തരം ഉന്നയിച്ചുപോരുന്ന അവകാശവാദങ്ങളാണ്.