ദില്ലി: മാദ്ധ്യമ സ്ഥാപനമായ ന്യൂസ് ക്ലിക്ക് ഓഫീസിലും മാദ്ധ്യമപ്രവര്ത്തകരുടെ വീടുകളിലും ദില്ലി പോലീസിന്റെ റെയ്ഡ്. ജീവനക്കാരുടെ മൊബൈൽ ഫോണുകളും, ലാപ്ടോപ്പുകളും കസ്റ്റഡിയിലെടുത്തു. എഴുത്തുകാരി ഗീത ഹരിഹരൻ, ചരിത്രകാരൻ സൊഹൈൽ ഹാഷ്മി എന്നിവരുടെ വീടുകളിലും ടീസ്ത സെതൽവാദിൻ്റെ മുംബൈയിലെ വസതിയിലും പരിശോധന നടന്നു.
30 ലധികം സ്ഥലങ്ങളിൽ പരിശോധന നടന്നതായി പോലീസ് സ്ഥിരീകരിച്ചു. ആരേയും ഇതുവരെ അറസ്റ്റ് ചെയ്തിട്ടില്ല. ചൈനീസ് ഫണ്ടിങ്ങുമായി ബന്ധപ്പെട്ടാണ് പരിശോധനയെന്നാണ് പോലീസ് നൽകുന്ന വിശദീകരണം. ന്യൂസ് ക്ലിക്കിനെതിരെ ദില്ലി പോലീസ് സെപ്ഷ്യൽ സെൽ യുഎപിഎ ചുമത്തി.