Sunday, November 22, 2026

ചികിത്സ സർക്കാർ ചെലവിൽ; അമേരിക്കയിലേയ്ക്ക് പറന്ന് മുഖ്യമന്ത്രി പിണറായി വിജയൻ

തിരുവനന്തപുരം:അമേരിക്കയിലേയ്ക്ക് പറന്ന് മുഖ്യമന്ത്രി പിണറായി വിജയൻ (Pinarayi Vijayan Went To USA). ഇന്ന് പുലർച്ചെ 4.40നുള്ള എമിറേറ്റ്‌സ് വിമാനത്തിലാണ് മുഖ്യമന്ത്രി യാത്ര തിരിച്ചത്. ഭാര്യ കമലയും, പേഴ്‌സണൽ അസിസ്റ്റന്റ് സുനീഷുമാണ് അദ്ദേഹത്തിനൊപ്പമുള്ളത്.

കൊച്ചി നെടുമ്പാശ്ശേരി വിമാനത്താവളത്തിൽ നിന്നാണ് മുഖ്യമന്ത്രി വിമാനം കയറിയത്. മയോ ക്ലിനിക്കിൽ മൂന്നാഴ്ചയിലേറെ നീണ്ടുനിൽക്കുന്ന ചികിത്സക്കായാണ് മുഖ്യമന്ത്രി അമേരിക്കയിലേയ്‌ക്ക് പുറപ്പെട്ടത്. ഈ മാസം 29 വരെയാണ് ചികിത്സ. എന്നാൽ അദ്ദേഹത്തിന്റെ ചുമതല മറ്റാർക്കും കൈമാറിയിട്ടില്ലെന്നാണ് വിവരം.

ഇനി നടക്കാൻ പോകുന്ന ക്യാബിനറ്റ് യോഗത്തിൽ അടക്കം മുഖ്യമന്ത്രി ഓൺലൈനായി പങ്കെടുക്കും. അതേസമയം മുഖ്യമന്ത്രി അമേരിക്കയിലേക്ക് പുറപ്പെടുന്ന വിവരം ഗവർണർ ആരിഫ് മുഹമ്മദ് ഖാനെ ഇന്നലെ അറിയിച്ചിരുന്നു. സർക്കാർ ചെലവിലാണ് അദ്ദേഹം ചികിത്സ നടത്തുന്നത്. ഇതിന് മുൻപ് 2018 സെപ്റ്റംബറിലും മുഖ്യമന്ത്രി അമേരിക്കയിൽ ചികിത്സ നടത്തിയിരുന്നു.

Related Articles

Latest Articles