കോച്ചിങ് സെന്ററുകളെ നിലയ്ക്ക് നിർത്തും ! നീറ്റിൽ വമ്പൻ നീക്കവുമായി കേന്ദ്രം

ഇന്ത്യൻ വിദ്യാഭ്യാസ മേഖലയുടെ അടിത്തറയെ പിടിച്ചുലയ്ക്കുന്ന രീതിയിൽ വാണിജ്യവൽക്കരിക്കപ്പെട്ട കോച്ചിംഗ് വ്യവസായത്തെ കർശനമായി നിയന്ത്രിക്കാൻ കേന്ദ്ര സർക്കാർ ഒരുങ്ങുന്നു. പരീക്ഷാ പരിശീലന കേന്ദ്രങ്ങളെ ആശ്രയിക്കുന്ന പ്രവണതയും കടുത്ത മത്സരബുദ്ധിയും സൃഷ്ടിക്കുന്ന കടുത്ത മാനസിക സമ്മർദ്ദവും വിദ്യാർത്ഥി ആത്മഹത്യകളും രാജ്യത്ത് നിരന്തരമായി ആശങ്ക ഉയർത്തുന്ന സാഹചര്യത്തിലാണ് പുതിയ ദേശീയ നിയമം വരുന്നത്. ഇതിനായി കേന്ദ്ര വിദ്യാഭ്യാസ മന്ത്രാലയം നിയോഗിച്ച ഒൻപതംഗ വിദഗ്ധ സമിതി തങ്ങളുടെ നിർണായക ശുപാർശകൾ അടങ്ങിയ റിപ്പോർട്ട് വരും ആഴ്ചയിൽ സമർപ്പിക്കുമെന്നാണ് വ്യക്തമാകുന്നത്. #coachingregulation #ministryofeducation #nationalcoachinglaw #studentsuicides #mentalhealthmatters #academicpressure #entranceexamreforms #studentwellness #educationpolicy #indiaeducation