തിരുവനന്തപുരം : സംസ്ഥാനത്ത് ഇന്ന് 225 പേർക്ക് കോവിഡ് 19 സ്ഥിരീകരിച്ചു. ഇതോടെ നിലവിൽ 2228 പേരാണ് സംസ്ഥാനത്ത് ചികിത്സയിൽ കഴിയുന്നത്. പാലക്കാട് ജില്ലയില് നിന്നുള്ള 29 പേര്ക്കും, കാസര്ഗോഡ് ജില്ലയില് നിന്നുള്ള 28 പേര്ക്കും, തിരുവനന്തപുരം ജില്ലയില് നിന്നുള്ള 27 പേര്ക്കും, മലപ്പുറം ജില്ലയില് നിന്നുള്ള 26 പേര്ക്കും, കണ്ണൂര് ജില്ലയില് നിന്നുള്ള 25 പേര്ക്കും, കോഴിക്കോട് ജില്ലയില് നിന്നുള്ള 20 പേര്ക്കും, ആലപ്പുഴ ജില്ലയില് നിന്നുള്ള 13 പേര്ക്കും, എറണാകുളം , തൃശ്ശൂര് ജില്ലകളില് നിന്നുള്ള 12 പേര്ക്ക് വീതവും, കൊല്ലം ജില്ലയില് നിന്നുള്ള 10 പേര്ക്കും, കോട്ടയം ജില്ലയില് നിന്നുള്ള 8 പേര്ക്കും, ഇടുക്കി, വയനാട് ജില്ലകളില് നിന്നുള്ള 6 പേര്ക്ക് വീതവും, പത്തനംതിട്ട ജില്ലയില് നിന്നുള്ള 3 പേര്ക്കുമാണ് ഇന്ന് രോഗ ബാധ സ്ഥിരീകരിച്ചത്.
ഇന്ന് രോഗം സ്ഥിരീകരിച്ചവരില് 117 പേര് വിദേശ രാജ്യങ്ങളില് നിന്നും 57 പേര് മറ്റ് സംസ്ഥാനങ്ങളില് നിന്നും വന്നവരാണ്. സൗദി അറേബ്യ-35, യു.എ.ഇ.- 30, കുവൈറ്റ് – 21, ഖത്തര്- 17, ഒമാന്- 9, ബഹറിന്- 4, റഷ്യ-1 എന്നിങ്ങനെയാണ് വിദേശ രാജ്യങ്ങളില് നിന്നും വന്നവരുടെ കണക്ക് . കര്ണാടക- 24, ഡല്ഹി- 12, തമിഴ്നാട്- 10, മഹാരാഷ്ട്ര- 8, തെലുങ്കാന- 2, ഹരിയാന- 1 എന്നിങ്ങനെയാണ് സംസ്ഥാനങ്ങളിൽ നിന്ന് വന്നവർ .
38 പേര്ക്ക് സമ്പർക്കത്തിലൂടെ രോഗം സ്ഥിരീകരിച്ചു. തിരുവനന്തപുരം ജില്ലയിലാണ് ഏറ്റവും കൂടുതൽ . ഇവിടം 22 പേർക്കാണ് സമ്പർക്കത്തിലൂടെ രോഗം സ്ഥിരീകരിച്ചത് . കോഴിക്കോട് ജില്ലയിൽ 5 പേര്ക്കും, കാസര്ഗോഡ് ജില്ലയിൽ 4 പേര്ക്കും, എറണാകുളത്ത് 3 പേര്ക്കും, മലപ്പുറം ജില്ലയിൽ 2 പേര്ക്കും, കൊല്ലം, ആലപ്പുഴ ജില്ലകളിലെ ഒരാള്ക്ക് വീതമാണ് രോഗം സ്ഥിരീകരിച്ചത് .
ഇതിനുപുറമേ, കണ്ണൂര് ജില്ലയിലെ 7 ഡി.എസ്.സി. ജവാന്മാര്ക്കും 2 സി.ഐ.എസ്.എഫ്. ജവാന്മാര്ക്കും തൃശൂര് ജില്ലയിലെ 2 ബി.എസ്.എഫ്.കാര്ക്കും 2 ഷിപ്പ് ക്രൂവിനും രോഗം സ്ഥിരീകരിച്ചു.
അതേസമയം, രോഗം സ്ഥിരീകരിച്ച് ചികിത്സയിലായിരുന്ന 126 പേരുടെ പരിശോധനാഫലം നെഗറ്റീവ് ആയി. ഇതോടെ, ഇതുവരെ 3174 പേർ രോഗമുക്തി നേടി. 24 പ്രദേശങ്ങളെ കൂടി ഹോട്ട് സ്പോട്ട് പട്ടികയിൽ ഉൾപ്പെടുത്തി. 6 പ്രദേശങ്ങളെ ഒഴിവാക്കി.
വിവിധ ജില്ലകളിലായി ആകെ 1,80,939 പേരാണ് ഇപ്പോള് നിരീക്ഷണത്തിലുള്ളത്. നിരീക്ഷണത്തിലുള്ളവരില് 1,77,995 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 2944 പേര് ആശുപത്രികളിലുമാണ് . ഇന്ന് മൊത്തം 377 പേരെയാണ് ആശുപത്രിയില് പ്രവേശിപ്പിച്ചത്.