ദുബായ് ഇന്ത്യന് സ്കൂളിലെ 16 വയസ്സുള്ള വിദ്യാര്ത്ഥിനിയ്ക്ക് കൊവിഡ്19 സ്ഥിരീകരിച്ചു. വിദേശയാത്ര നടത്തിയ കുട്ടിയുടെ രക്ഷിതാക്കളില് നിന്നാണ് വൈറസ് ബാധയേറ്റതെന്ന് കരുതുന്നു
കൊവിഡ് 19 കൂടുതല് പേരിലേക്ക് പടര്ന്ന പശ്ചാത്തലത്തില് രാജ്യ തലസ്ഥാനത്ത് കനത്ത ജാഗ്രത. 25 പേരാണ് രാജ്യത്ത് കൊവിഡ് ബാധിതരായി ചികിത്സയിലുള്ളത്. അതില് 23 പേരും ദില്ലിയിലാണ്. രോഗം സ്ഥിരീകരിച്ച ആളുകളുമായി സമ്പര്ക്കം പുലര്ത്തിയ കൂടുതല് പേരുടെ പരിശോധനാ ഫലം ഇന്ന് പുറത്തുവരും.
പൊതു പരിപാടികള് ഒഴിവാക്കണമെന്ന് കേന്ദ്ര സര്ക്കാര് ആഹ്വാനം ചെയ്തിട്ടുണ്ട്. രാഷ്ട്രപതിയും പ്രധാനമന്ത്രിയും ആഭ്യന്തര മന്ത്രിയും ദില്ലി മുഖ്യമന്ത്രിയും ഹോളി ആഘോഷങ്ങള് വേണ്ടെന്ന് വച്ചു. ചൈന, ഇറ്റലി ഉള്പ്പടെയുള്ള രാജ്യങ്ങളിലേക്ക് യാത്രാവിലക്കുണ്ട്. വിദേശത്ത് നിന്ന് എത്തിയവര്ക്ക് വിമാനത്താവളങ്ങളിലും രാജ്യാതിര്ത്തികളിലും നിരീക്ഷണം ശക്തമാക്കി. കൂടുതല് ഐസൊലേഷന് കേന്ദ്രങ്ങളും സജ്ജമാക്കി.
അമേരിക്കയിലാകെ 149 പേര്ക്ക് രോഗം സ്ഥിരീച്ചു. 10 പേര് ഇതിനോടകം മരിച്ചതായി ഔദ്യോഗിക കേന്ദ്രങ്ങള് അറിയിച്ചു.
