മുട്ടം: പശു റോഡിന് കുറുകെ ചാടിയപ്പോള്‍ പെട്ടെന്ന് ബ്രേക്ക് ഇട്ടതിനെ തുടര്‍ന്ന് കാറുകള്‍ തമ്മില്‍ കൂട്ടിയിടിച്ചു.
ഇന്നലെ രാവിലെ 9.15ന് പെരുമറ്റം ജംഗ്ഷന് സമീപമായിരുന്നു സംഭവമുണ്ടായത്. മലങ്കര റബ്ബര്‍ തോട്ടത്തില്‍ നിന്ന് അപ്രതീക്ഷിതമായി പശു റോഡിന് കുറുകെ ചാടുകയായിരുന്നു.
ഇത് കണ്ട തൊടുപുഴ ഭാഗത്തേക്ക് വന്ന കാര്‍ ഡ്രൈവര്‍ പെട്ടെന്ന് വാഹനം നിര്‍ത്തി. ഇതോടെ തൊട്ടു പിന്നില്‍ വരികയായിരുന്ന മറ്റൊരു കാര്‍ മുന്നില്‍ ഉണ്ടായിരുന്ന കാറില്‍ ഇടിക്കുകയായിരുന്നു. പെട്ടെന്ന് ബ്രേക്ക് ഇട്ട് കാര്‍ നിര്‍ത്തിയതിനാല്‍ പശു രക്ഷപ്പെട്ടു. കൂട്ടിയിടിച്ച കാറുകള്‍ക്ക് സാരമായ കേട്പാടുകള്‍ സംഭവിച്ചു. ആര്‍ക്കും പരിക്കില്ല.
