തിരുവനന്തപുരം: ശബരിമല വിഷയം തെരഞ്ഞെടുപ്പിൽ തിരിച്ചടിച്ചെന്ന കുറ്റസമ്മതവുമായി സിപിഎം സംസ്ഥാന സെക്രട്ടേറിയറ്റ്. തെരഞ്ഞെടുപ്പിലെ കനത്ത പരാജയത്തിന് ശബരിമലയും കാരണമായി, ഇതേത്തുടർന്ന് ഒരു വിഭാഗം വിശ്വാസികളെ തെറ്റിദ്ധരിപ്പിക്കുന്നതില് വലതുപക്ഷ ശക്തികള് വിജയിച്ചെന്നാണ് സിപിഎം സ്വയം വിലയിരുത്തുന്നത്. ഇതേക്കുറിച്ച് പ്രത്യേകം പരിശോധിക്കാനും തീരുമാനമായി. പത്രക്കുറിപ്പിലാണ് സിപിഎം ഇക്കാര്യങ്ങൾ വിശദീകരിച്ചത്. എന്നാല് ശബരിമലയെന്ന വാക്ക് വാര്ത്താക്കുറിപ്പില് ഒരിടത്തും ഉപയോഗിച്ചിട്ടില്ല എന്നതും ശ്രദ്ധേയമാണ്.
പരാജയം താല്ക്കാലിക തിരിച്ചടിയാണ്. നരേന്ദ്രമോദി തുടരുന്നതിലെ അപകടം സമൂഹത്തില് ശരിയായി പ്രചരിപ്പിക്കുന്നതില് ഇടതുപക്ഷം വിജയിച്ചു. എന്നാല് ഇതിന്റെ നേട്ടം യു.ഡി.എഫിനാണ് ഉണ്ടായത്. ന്യൂനപക്ഷവോട്ടുകളുടെ കേന്ദ്രീകരണത്തോടൊപ്പം മറ്റുപല ഘടകങ്ങളും യുഡിഎഫിന് അനുകൂലമായ തരംഗം സൃഷ്ടിക്കുന്നതിന് കാരണമായി. രാഹുല്ഗാന്ധി വയനാട് സ്ഥാനാര്ഥിയായതും, പ്രധാനമന്ത്രിയാകുമെന്ന പ്രചരണവും യുഡിഎഫിന് ഗുണം ചെയ്തെന്നും യോഗം വിലയിരുത്തി.
