വെള്ളരിക്ക കഴിച്ചാലുള്ള ആരോഗ്യഗുണങ്ങൾ | Cucumber
വെള്ളരിക്ക ധാരാളം ജലാംശം കൊണ്ട് സമ്പുഷ്ടവും വളരെ കുറച്ച് കലോറി അടങ്ങിയിട്ടുള്ളതുമായ പച്ചക്കറിയാണ്. സലാഡിലുടെ മാത്രമാണ് നമ്മളില്‍ മിക്കവരും വള്ളരിക്ക ഉപയോഗിക്കുന്നത്. എന്നാല്‍ ഇനിമുതല്‍ വെള്ളരിക്ക ശീലമാക്കിയാല്‍ നിങ്ങളുടെ ശരീരത്തില്‍ ധാരാളം ഗുണങ്ങളാണ് ലഭിക്കുന്നത് അവ നോക്കാം.
ദിവസവും ഒരു വെള്ളരിക്ക വീതം കഴിക്കുന്നത് ആരോഗ്യത്തിന് മികച്ചതായിരിക്കും! ഇതിൽ വെള്ളം കൂടുതലായി അടങ്ങിയിരിക്കുന്നു. ഇടയ്ക്ക് വിശക്കുമ്പോള്‍ ബേക്കറി പലഹാരങ്ങൾ കഴിക്കാതെ വെള്ളരിക്ക കഴിക്കുന്നത് പതിവാക്കുക. അങ്ങനെയാകുമ്പോള്‍ മറ്റ് ജങ്ക് ഫുഡുകളോടുള്ള ആസക്തി മാറികിട്ടുകയും ചെയ്യും. ഇവ ദിവസവും കഴിക്കുന്നതിലൂടെ ശരീരത്തിലെ അമിതകൊഴുപ്പ് കുറയ്ക്കാൻ സഹായിക്കും.
വെള്ളരിക്കയിൽ ആരോഗ്യകരമായ അളവിലുള്ള പെക്റ്റിൻ അടങ്ങിയിട്ടുണ്ട്. ഇത് രക്തത്തിലെ കൊളസ്ട്രോളിന്റെ അളവ് കുറയ്ക്കുന്നതിനും വിഷവസ്തുക്കളെ ഇല്ലാതാക്കുന്നതിനും ഹൃദയത്തെ ആരോഗ്യകരമായി നിലനിർത്തുന്നതിനും സഹായിക്കുന്നു.
