തിരുവല്ല : മേപ്രാലിൽ വയോധികന്റെ മൃതദേഹം കഴുത്തിൽ മുറിവേറ്റ നിലയിൽ കണ്ടെത്തി. മേപ്രാൽ വളഞ്ചേരിൽ വീട്ടിൽ പത്രോസാണ് (70 ) കൊല്ലപ്പെട്ടത്. ഇന്ന് രാവിലെ ആറരയോടെ കാരക്കൽ – മേപ്രാൽ റോഡിലെ ഷാപ്പ് പടിക്കു സമീപമാണ് നാട്ടുകാർ മൃതദേഹം കണ്ടെത്തിയത്. മൃതദേഹത്തിന്റെ അരികിൽ നിന്ന് ഒരു കറിക്കത്തിയും ലഭിച്ചിട്ടുണ്ട്.
പൊലീസ് സംഘം സ്ഥലത്തെത്തിയിട്ടുണ്ട്. ഫൊറൻസിക് വിഭാഗവും ഡോഗ് സ്ക്വാഡും എത്തി നടത്തുന്ന പരിശോധനകൾക്കുശേഷം മൃതദേഹം പോസ്റ്റുമോർട്ടം നടപടികൾക്കായി മോർച്ചറിയിലേക്കു മാറ്റും.