നോട്ട് നിരോധനവുമായി ബന്ധപ്പെട്ട കേസിൽ സുപ്രീം കോടതിയിൽ നിന്ന് കേന്ദ്ര സർക്കാരിന് അനുകൂലമായ വിധി വന്നതിനു പിന്നാലെ അതിനെ അനുകൂലിച്ച് കേന്ദ്ര മന്ത്രി വി. മുരളീധരന്. നോട്ട് നിരോധനത്തിന്റെ പേരില് പ്രധാനമന്ത്രിയെ വേട്ടയാടിയവര്ക്കുള്ള മറുപടിയാണ് സുപ്രിം കോടതി ഉത്തരവെന്ന് അദ്ദേഹം പറഞ്ഞു. സുപ്രധാന തീരുമാനത്തിലൂടെ രാജ്യനന്മയാണ് മോദി സര്ക്കാര് ലക്ഷ്യമിട്ടത്. സമ്പദ് വ്യവസ്ഥയെ ശുദ്ധീകറിക്കാനും സുതാര്യമാക്കാനും വേണ്ടി നടത്തിയ വിപ്ലവകരമായ നിലപാടായിരുന്നു ഇതെന്ന് കോടതിക്കും ബോധ്യപ്പെട്ടെന്ന് മുരളീധരന് വ്യക്തമാക്കി.
കള്ളപ്പണം, ഭീകരവാദം, കള്ളനോട്ട് എന്നിവയില്ലാതാക്കാനുള്ള പോരാട്ടമായിരുന്നു ഇത്. നിലപാടും ഇച്ഛാശക്തിയുമുള്ള രാഷ്ട്രത്തലവന്റെ തൊപ്പിയില് പുതുവര്ഷത്തില് ലഭിച്ച പൊന്തൂവലാണ് ഇതെന്നും അദ്ദേഹം ഫേയ്സ്ബുക്ക് കുറിപ്പില് പറഞ്ഞു.