ഈ ശിക്ഷ അനുഭവിക്കേണ്ടത് ഞാനല്ല, മറ്റൊരു പെണ്ണ്: നടന്‍ ദിലീപിന്‍റെ ശബ്ദരേഖ പുറത്ത്

കൊച്ചി: നടിയെ ആക്രമിച്ച കേസിലെ വിവരങ്ങൾ വീണ്ടും പുറത്താകുന്നു. നടിയെ ആക്രമിച്ച കേസിലെ ശിക്ഷ താന്‍ അനുഭവിക്കേണ്ടതല്ലെന്ന് നടന്‍ ദിലീപ് (Dileep) സുഹൃത്ത് ബൈജു ചെങ്ങമനാടിനോട് പറയുന്നതിന്‍റെ ശബ്ദരേഖ പുറത്ത്. ശിക്ഷ മറ്റൊരു പെണ്ണ് അനുഭവിക്കേണ്ടതാണെന്നും അവരെ നമ്മള്‍ രക്ഷിച്ച്‌ കൊണ്ടു പോയിട്ട് താന്‍ ശിക്ഷിക്കപ്പെട്ടെന്നും ദിലീപ് പറയുന്നതായും ശബ്ദരേഖയിൽ വ്യക്തമായിട്ടുണ്ട്.

സംവിധായകന്‍ ബാലചന്ദ്രകുമാര്‍ റെക്കോര്‍ഡ് ചെയ്ത ശബ്ദരേഖയാണ് പുറത്ത് വന്നിരിക്കുന്നത്. ശബ്ദരേഖ വ്യാജമാണെന്നായിരുന്നു ദിലീപ് അന്വേഷണ സംഘത്തോട് പറഞ്ഞിട്ടുള്ളത്. ശബ്ദരേഖ ക്രൈംബ്രാഞ്ച് ഫോറന്‍സിക് പരിശോധനക്കായിഅയച്ചിരിക്കുകയാണ്.

നടിയെ ആക്രമിച്ച കേസുമായി ബന്ധപ്പെട്ട് ആറു ശബ്ദരേഖകളാണ് അന്വേഷണ സംഘം ഹൈകോടതിയില്‍ സമര്‍പ്പിച്ചിരുന്നത്. ഇതില്‍ രണ്ടെണ്ണം ദിലീപിന്‍റെ സംസാരമാണെന്ന് ക്രൈംബ്രാഞ്ച് പറയുന്നു. ഈ രണ്ട് ശബ്ദരേഖകളും ബാലചന്ദ്രകുമാര്‍ റെക്കോഡ് ചെയ്തതാണ്.

ന​ടി​യെ ആ​ക്ര​മി​ച്ച സം​ഭ​വ​ത്തി​ല്‍ ദി​ലീ​പി​ന് പ​ങ്കി​ല്ലെ​ന്നും കാ​വ്യ​യു​ടെ ഇ​ട​പെ​ട​ലാ​ണ് പി​ന്നി​ലെ​ന്നും സൂ​ചി​പ്പി​ക്കു​ന്ന ശ​ബ്ദ​സ​ന്ദേ​ശം കഴിഞ്ഞ ദിവസം പു​റ​ത്തു വന്നിരുന്നു. ദി​ലീ​പി​ന്‍റെ സ​ഹോ​ദ​രീ​ഭ​ര്‍​ത്താ​വാ​യ സു​രാ​ജ് മ​റ്റൊ​രു പ്ര​തി​യാ​യ ശ​ര​ത്തി​നോ​ട് സം​സാ​രി​ച്ച​തെ​ന്ന് ക​രു​തു​ന്ന സം​ഭാ​ഷ​ണത്തിൽ ഇത്തരം സൂചനകളാണുള്ളത്.