ചെന്നൈ : മലയാളത്തിലെ പ്രശസ്ത സംവിധായകന് പ്രിയദര്ശന്റെയും നടി ലിസിയുടെ മകന് സിദ്ധാര്ത്ഥ് പ്രിയദര്ശന് വിവാഹിതനായി. അമേരിക്കന് സ്വദേശിനിയും വിഷ്വല് എഫക്റ്റ് പ്രൊഡ്യൂസറുമായ മെര്ലിന് ആണ് സിദ്ധാർത്ഥിന്റെ ജീവിതപങ്കാളി . ചെന്നൈയിലെ സ്വകാര്യ ഫ്ളാറ്റില് നടന്ന ലളിതമായ വിവാഹ ചടങ്ങില് പ്രിയദര്ശനും ലിസിയും കല്ല്യാണിയുമുള്പ്പെടെ അടുത്ത ബന്ധുക്കളും സുഹൃത്തുക്കളുമായി പത്തോളംപേർ മാത്രമാണ് പങ്കെടുത്തത്.
പ്രിയദര്ശന് സംവിധാനം ചെയ്ത ‘മരക്കാര് അറബിക്കടലിന്റെ സിംഹം’ എന്ന ചിത്രത്തില് സിദ്ധാര്ത്ഥ് ആയിരുന്നു വി.എഫ്.എക്സ് കൈകാര്യം ചെയ്തത്. ഇതിനു സിദ്ധാര്ത്ഥിന് ദേശീയപുരസ്ക്കാരവും ലഭിച്ചിരുന്നു.
