ഇടുക്കി: നിരോധിത ലഹരി മരുന്നുകളുമായി (Drugs) യുവാവും യുവതിയും പിടിയിൽ. ഇടുക്കിയിലാണ് സംഭവം. എറണാകുളം സ്വദേശി ഷെഫിൻ മാത്യു(32), കൊടുങ്ങല്ലൂർ സ്വദേശി സാന്ദ്ര(20) എന്നിവരെയാണ് 0.06 ഗ്രാം എംഡിഎംഎയുമായി എക്സൈസ് സംഘം പിടികൂടിയത്. കുമളിയിലെ സ്വകാര്യ ഹോട്ടലിൽ മുറിയെടുത്ത ഇരുവരും പരുന്തുംപാറയിൽ എത്തിയിരുന്നു. എന്നാൽ ഇവരുടെ പെരുമാറ്റത്തിൽ സംശയം തോന്നിയ എക്സൈസ് സംഘം നടത്തിയ പരിശോധനയിലാണ് ഇവരുടെ പക്കൽനിന്ന്‌ നിരോധിത ലഹരിവസ്തു കണ്ടെത്തിയത്.
അതേസമയം മുറിയിലും ലഹരി വസ്തുവുണ്ടെന്ന് ഇവർ ചോദ്യം ചെയ്യലിൽ വെളിപ്പെടുത്തി. തുടർന്ന് കുമളിയിലെ ഹോട്ടൽ മുറിയിലെത്തിച്ച് പരിശോധന നടത്തി. പ്രതികളെ കൂടുതൽ തെളിവെടുപ്പിനായി വണ്ടിപ്പെരിയാർ സെക്ഷൻ ഓഫീസിലേയ്‌ക്ക് കൈമാറി. ഇവർ മുൻപും ലഹരിക്കേസുകളിൽ പ്രതിയാണോയെന്ന് അന്വേഷണം നടത്തുമെന്ന് ഉദ്യോഗസ്ഥർ വ്യക്തമാക്കി.
