തിരുവനന്തപുരം: കിഫ്ബിയുടെ മസാല ബോണ്ടിൽ എൻഫോഴ്സ്മെന്റ് ഡയറക്ടറേറ്റ് അന്വേഷണം ആരംഭിച്ചു. കിഫ്ബി വഴി ലണ്ടൻ സ്റ്റോക്ക് എക്സേഞ്ചിൽ നിന്നും മസാല ബോണ്ടുകൾ വാങ്ങിയ കേരള സർക്കാർ നടപടിയെക്കുറിച്ചാണ് ഇഡി അന്വേഷണം ആരംഭിച്ചത്. മസാല ബോണ്ടുകൾ വാങ്ങാൻ കിഫ്ബിക്ക് അനുമതി നൽകിയതുമായി ബന്ധപ്പെട്ട് ഇഡി ആർബിഐയിൽ നിന്നും വിവരങ്ങൾ തേടിയിട്ടുണ്ട്.
നിലവിൽ സ്വർണ്ണക്കടത്ത് കേസിലും ലൈഫ് മിഷൻ അഴിമതിയിലും കെ ഫോൺ ക്രമക്കേടിലും കേന്ദ്ര ഏജൻസികൾ അന്വേഷണം തുടരുകയാണ്. അതിനിടെ കിഫ്ബിയും അന്വേഷണത്തിന്റെ പരിധിയിൽ വരുന്നത് സംസ്ഥാന സർക്കാരിന് കനത്ത പ്രഹരമാകും. മയക്കുമരുന്ന് കേസിൽ മുൻ പാർട്ടി സെക്രട്ടറി കോടിയേരി ബാലകൃഷ്ണന്റെ മകൻ ബിനീഷ് കോടിയേരി അറസ്റ്റിലായതിന്റെ ക്ഷീണം സിപിഎമ്മിനെ തളർത്തിയിരിക്കുന്ന പശ്ചാത്തലത്തിലാണ് ഇഡിയുടെ പുതിയ നിക്കം.
മസാല ബോണ്ട് വാങ്ങിയ കിഫ്ബി നടപടിയെ സിഎജി ചോദ്യം ചെയ്തതിന് പിന്നാലെയാണ് ഇതേ വിഷയത്തിൽ ഇഡി അന്വേഷണം ആരംഭിച്ചിരിക്കുന്നത്. സിഎജി എതിർപ്പിനിടയിലും സംസ്ഥാന സർക്കാർ ലണ്ടൻ സ്റ്റോക്ക് എക്സേഞ്ചിൽ നിന്നും മസാലബോണ്ടുകൾ വഴി 2150 കോടി രൂപ 7.23 ശതമാനം പലിശയ്ക്ക് വാങ്ങുകയും ആ പണം കിഫ്ബി വഴി ചെലവഴിക്കുകയും ചെയ്തിരുന്നു.
എന്നാൽ കേന്ദ്ര സർക്കാരിന്റെയും റിസർവ് ബാങ്കിന്റെയും അനുമതിയില്ലാതെ കിഫ്ബി വഴി പണം വായ്പ എടുക്കാൻ പറ്റില്ലെന്ന വാദം തങ്ങളുടെ ഓഡിറ്റ് റിപ്പോർട്ടിൽ സി എ ജി ഉൾപ്പെടുത്തിയിരുന്നു. ഇതോടെ സി എ ജിക്കെതിരെ ധനമന്ത്രി തോമസ് ഐസക് വിമർശനം ഉന്നയിച്ചിരുന്നു.
മസാല ബോണ്ടുകൾക്ക് സംസ്ഥാന സർക്കാർ നൽകിയ അനുമതി ഇഡി പരിശോധിക്കും. വിദേശ വിപണിയിൽ നിന്നും സംസ്ഥാന സർക്കാർ ഫണ്ട് സ്വരൂപിച്ചത് വിദേശ വിനിമയ ചട്ടത്തിന് എതിരാണോ എന്നതും ഇഡി വിശദമായി പരിശോധിച്ചു വരികയാണ്.
ഖലിസ്ഥാനി ഭീകരന് ഹര്ദ്ദീപ് സിംഗ് നിജ്ജാര് കൊലപാതക കേസില് അറസ്റ്റു ചെയ്യപ്പെട്ടവരുടെ വിവരങ്ങള് കാനഡ ഇതുവരെ അറിയിച്ചിട്ടില്ലെന്ന് വിദേശകാര്യ മന്ത്രി…
തെലുങ്കാനയിലെ നിസാമാബാദ് ലോക്സഭാ മണ്ഡലത്തിലെ കോൺഗ്രസ് സ്ഥാനാർത്ഥി ജീവൻ റെഡി വൃദ്ധസ്ത്രീയുടെ മുഖത്ത് അടിക്കുന്ന വീഡിയോ ആണ് നിങൾ ഇപ്പോൾ…
കണക്കുകൂട്ടി പണികൊടുക്കാൻ ബിജെപി ! രാഹുലിനെ ഉത്തരേന്ത്യയിൽ കിട്ടിയതിൽ പാർട്ടിക്ക് ആവേശം I RAHUL GANDHI
നൂപുര് ശര്മ്മ ഉള്പ്പടെ ചില ബിജെപി നേതാക്കളെയും ഒരു ടി വി ചാനല് മേധാവിയേയുേം വധിക്കാന് ഗൂഢാലോചന നടത്തിയെന്നാരോപിച്ച് ഗുജറാത്തിലെ…
കണ്ണൂര് : പയ്യന്നൂരില് കാണാതായ യുവതിയെ മറ്റൊരു വീട്ടില് മരിച്ചനിലയില് കണ്ടെത്തി. മാതമംഗലം സ്വദേശി അനിലയുടെ മൃതദേഹമാണ് പയ്യന്നൂര് അന്നൂരിലെ…
കേരളം കണ്ട നവോത്ഥാന നായകരില് പ്രഥമ ശ്രേണിയിലുള്ള ചട്ടമ്പിസ്വാമികളുടെ നൂറാം സമാധി ദിനമാണിന്ന്. പത്തൊമ്പതും ഇരുപതും നൂറ്റാണ്ടുകളിൽ കേരളത്തിലുണ്ടായ വിസ്മയകരമായ…