കെയ്റോ: ഈജിപ്തില് പ്രസിഡന്റ് അബ്ദേല് ഫത്താ അല്സിസിയുടെ കാലാവധി നീട്ടാനുള്ള ഭരണഘടനാ ഭേദഗതിക്ക് അംഗീകാരം. 2030 വരെ അൽസിസിക്ക് പ്രസിഡന്റ് സ്ഥാനത്ത് തുടരാനുള്ള നീക്കത്തിനാണ് ഈജിപ്ത് പാര്ലമെന്റ് ചൊവ്വാഴ്ച അനുമതി നല്കിയത്.
2022ല് കാലാവധി അവസാനിക്കാനിരിക്കേയാണ് ഭരണത്തില് കൂടുതല് കാലം തുടരാനുള്ള നീക്കവുമായി അൽസിസി രംഗത്തെത്തിയത്. നിയമം പാര്ലമെന്റ് അംഗീകരിച്ചതോടെ ഇനി ജനഹിത പരിശോധന നടക്കും. അതേസമയം, അൽസിസിയുടെ നീക്കത്തിനെതിരേ നിരവധി വിമര്ശനം ഉയരുന്നുണ്ട്.