ബൈക്ക് യാത്രക്കിടെ കേബിള്‍ കഴുത്തില്‍ കുരുങ്ങി;എറണാകുളത് ഭാര്യക്കും ഭര്‍ത്താവിനും പരിക്ക്

കൊച്ചി: ബൈക്ക് യാത്രക്കിടെ കേബിള്‍ കഴുത്തില്‍ കുരുങ്ങിയുണ്ടായ അപകടത്തിൽ യാത്രികര്‍ക്ക് പരിക്ക്.
എറണാകുളം സൌത്ത് സ്വദേശി സാബുവിനും ഭാര്യ സിന്ധുവിനുമാണ് പരിക്കേറ്റത്.എറണാകുളം ചന്ദ്രശേഖരന്‍ മേനോന്‍ റോഡില്‍ കഴിഞ്ഞ ദിവസം ഉച്ചയോടെയാണ് അപകടം നടന്നത്.

‘റോഡിന്‍റെ നടുഭാഗത്തായി കേബിള്‍ താഴ്ന്നു കിടക്കുകയായിരുന്നു. കേബിള്‍ കഴുത്തില്‍ കുരുങ്ങി വണ്ടിയില്‍ നിന്ന് താന്‍ പൊങ്ങിവീണു’. ഭാര്യ റോഡിന്‍റെ നടുഭാഗത്ത് തലയിടിച്ച് വീഴുകയും ചെയ്തെന്ന് സാബു പറഞ്ഞു. ഹെല്‍മറ്റ് ഉള്ളതുകൊണ്ട് മാത്രമാണ് താന്‍ രക്ഷപ്പെട്ടതെന്ന് സിന്ധു പറഞ്ഞു.