ആറ്റിങ്ങൽ മണ്ഡലത്തിലെ എൻഡിഎ സ്ഥാനാർത്ഥിയും കേന്ദ്രമന്ത്രിയുമായ വി മുരളീധരൻ്റെ സ്ഥാനാർത്ഥി പര്യടനത്തിന് നെടുമങ്ങാടും പാലോടും ആവേശോജ്വലമായ സ്വീകരണം.
നെടുമങ്ങാട് മുനിസിപ്പാലിറ്റിയിൽ ആയിരുന്നു അദ്ദേഹത്തിന്റെ ഇന്നുച്ച വരെയുള്ള വാഹന പര്യടനം.പതിനാറാം കല്ലിൽ നിന്നും ആരംഭിച്ച പര്യടനം 25 ഇടങ്ങളിൽ സ്വീകരണം ഏറ്റുവാങ്ങി. സ്ത്രീകളും കുട്ടികളും കർഷകരുമടങ്ങുന്ന വൻ ജനാവലിയാണ് സ്ഥാനാർത്ഥിയെ സ്വീകരിക്കാൻ ഒഴുകിയെത്തിയത്.
നൂറുകണക്കിന് പ്രവർത്തകരുടെ ബൈക്ക് റാലിയുടെ അകമ്പടിയോടെയാണ് മണ്ഡലത്തിൽ പര്യടനം നടന്നത്. പാലോട് മണ്ഡലത്തിലെ പര്യടനം ചല്ലിമുക്കിൽ നിന്നും ആരംഭിച്ചു. പാങ്ങോട്, പെരിങ്ങമ്മല ഗ്രാമപഞ്ചായത്തുകളിലെ 30 സ്ഥലങ്ങളിൽ അദ്ദേഹം ഇന്ന് പര്യടനം പൂർത്തിയാക്കി .