ഫെയ്‌സ്ബുക്ക് ചെയര്‍മാന്‍ സ്ഥാനത്ത് നിന്നും മാര്‍ക്ക് സക്കര്‍ബര്‍ഗിനെ താഴെയിറക്കാനുള്ള ഓഹരി ഉടമകളുടെ നീക്കം പരാജയപ്പെട്ടു. വ്യാഴാഴ്ച നടന്ന കമ്പനിയുടെ വാര്‍ഷിക ജനറല്‍ മീറ്റിങില്‍ നടന്ന വോട്ടെടുപ്പ് സക്കര്‍ബര്‍ഗ് അതിജീവിച്ചു. നിലവില്‍ ഫെയ്‌സ്ബുക്കിന്റെ ചെയര്‍മാന്‍ സ്ഥാനവും, ചീഫ് എക്‌സിക്യൂട്ടീവ് ഓഫീസര്‍ സ്ഥാനവും വഹിക്കുന്നത് അദ്ദേഹം തന്നെയാണ്.
വോട്ടെടുപ്പില്‍ ഏകപക്ഷീയമായ അധികാരം സക്കര്‍ബര്‍ഗിനുണ്ട്. വോട്ടവകാശത്തിന്റെ 60 ശതമാനവും സക്കര്‍ബര്‍ഗിന്റെ കയ്യിലാണ്. അതായത് ഈ അറുപത് ശതമാനം ഉപയോഗിച്ച്‌ എതിര്‍വോട്ടുകളെ പ്രതിരോധിക്കാന്‍ സക്കര്‍ബര്‍ഗിന് സാധിക്കും.എന്നാല്‍ ഇങ്ങനെയാണോ സക്കര്‍ബര്‍ഗ് വോട്ടെടുപ്പ് അതിജീവിച്ചത് എന്ന് വ്യക്തമല്ല.
