ന്യൂഡൽഹി: ഇന്ത്യയടക്കം നാലു രാജ്യങ്ങളിൽ ഫെയ്സ്ബുക്ക് പണിമുടക്കി. ഞായറാഴ്ച വൈകിട്ട് നാലുമണിയോടെയാണ് ഇന്ത്യയിലെ ഫെയ്സ്ബുക്കിന്റെ പ്രവർത്തനത്തിൽ തകരാർ ശ്രദ്ധയിൽ പെട്ടത്. ഫെയ്സ്ബുക്കിന്റെ തന്നെ സോഷ്യൽ മീഡിയ സംവിധാനങ്ങളായ മെസഞ്ചർ, ഇൻസ്റ്റഗ്രാം, വാട്ട്സ് ആപ്പ് എന്നിവയുടെ പ്രവർത്തനവും താളം തെറ്റി.
ഇന്ത്യയ്ക്ക് പുറമെ യുഎസ്, മലേഷ്യ, തുർക്കി എന്നീ രാജ്യങ്ങളിലും സാങ്കേതിക പ്രശ്നങ്ങൾ റിപ്പോർട്ടു ചെയ്യപ്പെട്ടിട്ടുണ്ട്. എന്നാൽ ഫെയ്സ്ബുക്കിന്റെ ഡെസ്ക് ടോപ്പ് വേർഷനിൽ മാത്രമാണ് പ്രശ്നങ്ങൾ കണ്ടത്. ഇന്ത്യയിൽ പലയിടത്തും വൈകിട്ട് നാലിന് ഡെസ്ക്ടോപ്പിൽ ഫെയ്സ്ബുക്ക് പ്രവർത്തനം നിലക്കുകയായിരുന്നു. അതേസമയം മൊബൈൽ ആപ്പിൽ തടസ്സങ്ങൾ ഉണ്ടായതുമില്ല.
