വർക്കല: വീടിന് തീപിടിച്ച് പിഞ്ച് കുഞ്ഞ് ഉള്പ്പെടെ അഞ്ചുപേര്ക്ക് ദാരുണാന്ത്യം തിരുവനന്തപുരം ജില്ലയിലെ വർക്കല ചെറുന്നിയൂര് ബ്ലോക്ക് ഓഫിസിന് സമീപം ഇന്ന് പുലര്ച്ചെയാണ് നാടിനെ നടുക്കിയ സംഭവമുണ്ടായത്. വര്ക്കല പുത്തന് ചന്തയിലെ പച്ചക്കറി വ്യാപാരിയായ പ്രതാപനും കുടുംബവുമാണ് അപകടത്തിൽപെട്ടത് വീട്ടുടമസ്ഥന് ബേബിേ എന്ന പ്രതാപന്(62), ഭാര്യ ഷെര്ലി(53), ഇവരുടെ മകന് അഖില്(25), മരുമകള് അഭിരാമി(24), അഭിരാമിയുടെയും എട്ട് മാസം പ്രായമുള്ള കുട്ടി എന്നിവരാണ് മരിച്ചത്.ഗുരുതരമായ പരിക്കേറ്റ മൂത്ത മകന് നിഖിലിനെ(29) തിരുവനന്തപുരത്തെ സ്വകാര്യ ആശുപത്രിയിലേക്ക് മാറ്റി.
ഇവർ താമസിച്ചിരുന്ന രണ്ട് നില കെട്ടിടത്തിനാണ് തീ പിടിച്ചത്. തീ ഉയരുന്നത് കണ്ട് നാട്ടുകാര് അറിയിച്ചതനുസരിച്ച് എത്തിയ ഫയര് ഫോഴ്സും പൊലീസും ചേര്ന്ന് തീയണച്ച് വീട്ടിലുണ്ടായിരുന്നവരെ സമീപത്തെ സ്വകാര്യ ആശുപത്രിയിലേക്ക് മാറ്റി. എന്നാല് അപ്പോഴേക്കും അഞ്ചുപേരും മരിച്ചിരുന്നു.
ഷോര്ട്ട് സര്ക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക
നിഗമനം. പോലീസ് വിശദമായ അന്വേഷണം നടത്തും. വീട്ടിലെ എല്ലാ മുറികളിലും എസി പ്രവര്ത്തിക്കുന്നുണ്ടായിരുന്നു. പുലർച്ചെ വീട്ടുകാർ ഉറക്കത്തിലായിരുന്നപ്പോഴാകാം അപകടം സംഭവച്ചതെന്ന് കരുതുന്നു.
വര്ക്കല പുത്തന് ചന്തയിലെ പച്ചക്കറി വ്യാപാരിയാണ് പ്രതാപന്. പ്രതാപന് മൂന്ന് ആണ് മക്കളാണ് ഉള്ളത്. ഒരു മകന് ബിസിനസ് ആവശ്യത്തിനായി മുംബൈയിലായിരുന്നു. ഇന്ക്വസ്റ്റ് തയാറാക്കി പോസ്റ്റുമോര്ട്ടവും നടത്തിയശേഷമാകും സംസ്കാരം
വർക്കലയിൽ വീടിനു തീപിടിച്ച് വൻ അപകടം, പിഞ്ചു കുഞ്ഞടക്കം അഞ്ചു പേർക്ക് ദാരുണാന്ത്യം
