കണ്ണൂർ: കണ്ണൂർ സര്വ്വകലാശാലയില് (Kannur University) വൻ തീപിടുത്തം. നിരവധി കമ്പ്യൂട്ടറുകൾക്ക് നാശനഷ്ടം സംഭവിച്ചതായാണ് റിപ്പോര്ട്ട്. സര്വ്വകലാശാല ബി.എഡ് കോളജിലെ കമ്പ്യൂട്ടർ ലാബിൽ ആണ് തീപ്പിടിത്തമുണ്ടായത്. ഷോര്ട്ട് സര്ക്യൂട്ടാണ് തീടുത്തത്തിന് കാരണമെന്നാണ് ലഭിക്കുന്ന പ്രാഥമിക നിഗമനം. വെള്ളിയാഴ്ച ഉച്ചയോടെയാണ് സംഭവം നടന്നത്.
കണ്ണൂര് യൂനിവേഴ്സിറ്റി വൈസ് ചാന്സലര് നിയമനവുമായി ബന്ധപ്പെട്ട വിവാദങ്ങള് കത്തിനില്ക്കെയാണ് തീപിടുത്തം എന്നത് ദുരൂഹത വർധിപ്പിക്കുന്നു. അതേസമയം കണ്ണൂര് യൂണിവേഴ്സിറ്റി വൈസ് ചാന്സിലര് ഗോപിനാഥ് രവീന്ദ്രന് മാവോയിസ്റ്റുകളുടെ പേരില് വധഭീക്ഷണി. മാവോയിസ്റ്റ് അനൂകൂല സംഘടനയായ കബനീദളത്തിന്റെ പേരീലാണ് തപാല് വഴി വീസിക്ക് ഭീക്ഷണി കത്ത് ലഭിച്ചത്. വഴിവിട്ട നീക്കങ്ങളുമായി മുന്നോട്ടുപോയാല് പ്രത്യാഘാതം വളരെ വലുതായിരിക്കുമെന്നും കത്തില് വ്യക്തമാക്കുന്നു. കണ്ണൂര് സിവില് സ്റ്റേഷന് പരിസരത്തുളള പോസ്റ്റ് ബോക്സില് പോസ്റ്റ് ചെയ്ത കത്താണിത്.

