ദില്ലി : ജമ്മുകശ്മീരിലെ ഷോപ്പിയാനിലെ സൈനിക ക്യാമ്പിന് നേരെ ഭീകരാക്രമണം. ഷോപ്പിയാനിലെ ദച്ചോവിലെ 44 രാഷ്ട്രീയ റൈഫിള്സ് ക്യാമ്പിന് നേരെയാണ് ഭീകരര് വെടിയുതിര്ത്തത്. പോലീസും സൈന്യവും ശക്തമായി പ്രതിരോധിച്ചു.
ശനിയാഴ്ച വൈകുന്നേരമാണ് സൈനിക ക്യാമ്പിന് നേരെ വെടിവയ്പുണ്ടായത്. ഇതേത്തുടര്ന്നു നാഗ്ബാല് ഗ്രാമത്തിലെ ഇമാംസാഹിബ് പ്രദേശം സൈന്യം വളഞ്ഞിരിക്കുകയാണ്. ഭീകരര്ക്ക് വേണ്ടിയുള്ള തെരച്ചിലും സൈന്യം നടത്തുന്നുണ്ട്. ശനിയാഴ്ച രാവിലെ പാക് സൈന്യം ഷെല്ലാക്രമണം നടത്തിയിരുന്നു.