യു എ ഇ: ചെക്ക് തട്ടിപ്പ് കേസില് വ്യവസായി ഗോകുലം ഗോപാലന്റെ മകന് ബൈജു ഗോപാലന് അറസ്റ്റില്. ബൈജു ഗോപാലനാണ് അറസ്റ്റിലായത്. ബിസിനസ് തട്ടിപ്പ് കേസില് ആണ് അറസ്റ്റ്. 20 മില്യണ് ദിര്ഹത്തിന്റെ ചെക്ക് നല്കി കബളിപ്പിച്ചു എന്നാണ് കേസ്. ഒമാനില് വെച്ചാണ് ബൈജു അറസ്റ്റിലായത്.
രണ്ടാഴ്ചമുന്പാണ് ബൈജുവിനെ ഗോപാലനെ ഒമാന് പൊലീസ് അറസ്റ്റ് ചെയ്തത്. ഇയാളെ പിന്നീട് ദുബൈ പൊലീസിന് കൈമാറി. ബൈജു ഗോപാലന് അല്ഐന് ജയിലാണ് ഇപ്പോഴുള്ളത്.
കേസുമായി ബന്ധപ്പെട്ട് യുഎഇ ഇയാള്ക്ക് യാത്രാവിലക്ക് ഏര്പ്പെടുത്തിയിരുന്നു. ഇതിനിടെ അനധികൃതമായി റോഡ് മാര്ഗം ഒമാനിലേക്ക് കടക്കുകയും മസ്കറ്റ് വഴി ഇന്ത്യയിലെത്താന് ശ്രമിക്കുകയും ചെയ്തു. ഇതിനിടെയാണ് പിടികൂടിയത്. ബൈജുവിന്റെ പാസ് പോര്ട്ട് അലൈന് പബ്ലിക്ക് പ്രോസിക്യൂട്ടര് പിടിച്ചുവെച്ചിരിക്കുകയാണ്.
ചെക്ക് കേസിന് പുറമെ എമിഗ്രേഷന് രേഖകള് ഉള്പ്പടെ വ്യാജരേഖകള് ഉണ്ടാക്കിയെന്ന ഗുരുതരമായ കുറ്റവും ബൈജുവിനെതിരെ ചുമത്തിയിട്ടുണ്ട്.അതേസമയം ബൈജു ഗോപാലനെ ജയിലില് നിന്നു പുറത്തിറക്കാന് ഗോകുലം ഗോപാലന് ശ്രമം തുടരുകയാണ്.
