കോഴിക്കോട് : കരിപ്പൂർ വിമാനത്താവളത്തിൽ വീണ്ടും സ്വർണ്ണ വേട്ട. ബ്ലൂടൂത്ത് സ്പീക്കറിനുള്ളിൽ ഒളിപ്പിച്ചുകടത്താൻ ശ്രമിച്ച 76 ലക്ഷം രൂപയുടെ 1.6 കിലോഗ്രാം സ്വർണ്ണമാണ് എയർ കസ്റ്റംസ് ഇന്റലിജൻസ് പിടികൂടിയത്ത്. ജിദ്ദയില്‍ നിന്ന് വന്ന മലപ്പുറം സ്വദേശി ജാബിര്‍ (29) കൊണ്ടുവന്ന 2 ബ്ലൂടൂത്ത് സ്പീക്കറിലായിരുന്നു സ്വര്‍ണം ഒളിപ്പിച്ചിരുന്നത്.
അസിസ്റ്റന്റ് കമ്മിഷണര്‍ ജെ.ആനന്ദ്കുമാര്‍, സൂപ്രണ്ടുമാരായ സി.പി.സബീഷ്, എം.ഉമാദേവി, സന്തോഷ് ജോണ്‍, ഇന്‍സ്പെക്ടര്‍മാരായ എന്‍.റഹീസ്, പൊരുഷ് റോയല്‍, അര്‍ജുന്‍ കൃഷ്ണ, കെ.കെ.പ്രിയ, വീരേന്ദ്ര പ്രതാപ്, ദിനേശ് മുര്‍ദ, ഹെഡ് ഹവില്‍ദാര്‍മാരായ വിശ്വരാജ്, എസ്.ജമാലുദ്ദീന്‍ എന്നിവരാണു സ്വര്‍ണം കണ്ടെടുത്തത്.
