തിരുവനന്തപുരം: ഹേമ കമ്മിറ്റി റിപ്പോര്ട്ട് ചര്ച്ച ചെയ്യാന് സര്ക്കാര് യോഗം വിളിച്ചു.
അമ്മ, മാക്ട, ഫെഫ്ക, ഡബ്ള്യുസിസി, ഫിലിം ചേമ്പർ, പ്രൊഡ്യൂസേഴ്സ് അസോസിയേഷന് അടക്കം സിനിമാ മേഖലയിലെ മുഴുവന് സംഘടനകളെയും വിളിച്ചിട്ടുണ്ട്. മെയ് നാലിനാണ് സാംസ്ക്കാരിക മന്ത്രിയുടെ നേതൃത്വത്തില് തിരുവനന്തപുരത്ത് യോഗം ചേരുക.
സിനിമാ മേഖലയിലെ സ്ത്രീകളുടെ പ്രശ്നങ്ങള് പഠിക്കാനാണ് കമ്മിറ്റി രൂപീകരിച്ചത്. രണ്ട് വര്ഷം മുമ്പ് റിപ്പോര്ട്ട് നല്കിയിട്ടും സാങ്കേതിക കാരണം പറഞ്ഞ് വിശദാംശങ്ങള് പുറത്ത് വിടാത്ത സര്ക്കാര് നടപടിക്കെതിരെ വ്യാപക പ്രതിഷേധമാണ് ഉയരുന്നത്.
സിനിമാ മേഖലയില് നിന്ന് കൂടുതല് പീഡനപരാതികള് ഉയരുന്ന സാഹചര്യത്തിലാണ് സര്ക്കാര് യോഗം വിളിച്ചത്. അതേസമയം, ഹേമ കമ്മിറ്റി റിപ്പോര്ട്ട് പഠിക്കാന് സര്ക്കാര് നിയോഗിച്ച ഉദ്യോഗസ്ഥ സമിതി ഇതുവരെ റിപ്പോര്ട്ട് നല്കിയിട്ടില്ല.
