കോട്ടയം: പൗരത്വ നിയമ ഭേദഗതിയെ അനുകൂലിക്കുന്നതിന്റെ പേരില്‍ തന്നെ വിമര്‍ശിക്കുകയും പ്രതിഷേധിക്കുകയും ചെയ്യുന്നവര്‍ ആദ്യം ഭരണഘടന വായിക്കണമെന്ന് ഗവര്‍ണര്‍ ആരിഫ് മുഹമ്മദ് ഖാന്‍. ഭരണഘടനാ ഉത്തരവാദിത്തമാണ് താന്‍ നിറവേറ്റുന്നതെന്നും സമയവും പൊതുപണം പാഴാക്കിയെന്നതുമല്ലാതെ നിയമസഭാ പ്രമേയംകൊണ്ട് പ്രയോജനമൊന്നുമില്ലെന്നും ഗവര്‍ണര്‍ പറഞ്ഞു.
രാഷ്ട്രപതി, ഗവര്‍ണര്‍ എന്നിവര്‍ക്കെതിരായ പൊതുപ്രതിഷേധങ്ങള്‍ കുറ്റകരമാണെന്നും അദ്ദേഹം കോട്ടയത്ത് പറഞ്ഞു. താന്‍ കേരളത്തില്‍ സ്വതന്ത്രമായി നടക്കുമെന്നും നിയമലംഘനങ്ങള്‍ കാണുമ്പോള്‍ അത് പ്രതിരോധിക്കുമെന്നും പറഞ്ഞ ഗവര്‍ണര്‍ അത് തന്റെ ചുമതലയാണെന്നും കൂട്ടിച്ചേര്‍ത്തു.
