മത്സ്യത്തൊഴിലാളികൾക്ക് ധനസഹായവുമായി സർക്കാർ. കാലാവസ്ഥാ വ്യതിയാനം മൂലം തൊഴിൽ നഷ്ടപ്പെട്ട ഒന്നരലക്ഷം മൽസ്യത്തോഴിലാളി കുടുംബങ്ങൾക്ക് 50 കോടി രൂപ സർക്കാർ അനുവദിച്ചു.
മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും 50.027 കോടി രൂപ നഷ്ടപരിഹാരമായി മത്സ്യത്തൊഴിലാളികൾക്ക് അനുവദിക്കാന്‍ മന്ത്രിസഭായോഗം തീരുമാനിച്ചതായി ഫിഷറീസ് വകുപ്പ് മന്ത്രി സജി ചെറിയാന്‍ അറിയിച്ചു.
പ്രതികൂല കാലാവസ്ഥ കാരണം 2022 ഏപ്രില്‍, മെയ്, ജൂലൈ, ഓഗസ്റ്റ് എന്നീ മാസങ്ങളിലായി 15 തൊഴില്‍ദിനങ്ങളാണ് മത്സ്യത്തൊഴിലാളികള്‍ക്ക് നഷ്ടമായത്. ഒരു തൊഴില്‍ ദിനത്തിന് 200 രൂപ നിരക്കില്‍ 3000 രൂപയാണ് മത്സ്യത്തൊഴിലാളികുടുംബങ്ങള്‍ക്ക് സർക്കാർ നൽകുക.
