മുതിർന്ന സംഘപ്രചാരകനും ബിജെപി നേതാവുമായ പി പി മുകുന്ദന്റെ ആരോഗ്യസ്ഥിതി മെച്ചപ്പെട്ടു; വൈദ്യശാസ്ത്രത്തിൽ ലഭ്യമായ എല്ലാ കാര്യങ്ങളും ചെയ്തിട്ടുണ്ട്; ആശുപത്രിയിൽ അദ്ദേഹത്തെ സന്ദർശിച്ച ശേഷം ഗോവ ഗവർണ്ണർ പി എസ് ശ്രീധരൻ പിള്ള തത്വമയി ന്യൂസിനോട് – TATWAMAYI EXCLUSIVE

തിരുവനന്തപുരം; മുതിർന്ന സംഘ പ്രചാരകനും ബിജെപി നേതാവുമായ പി പി മുകുന്ദന്റെ ആരോഗ്യസ്ഥിതി മെച്ചപ്പെട്ടുവരുന്നതായി ഗോവ ഗവർണ്ണർ പി എസ് ശ്രീധരൻപിള്ള. വൈദ്യശാസ്ത്രത്തിൽ ലഭ്യമായ എല്ലാ കാര്യങ്ങളും ചെയ്തിട്ടുണ്ട്. കേരളത്തിലെ സംഘപരിവാർ പ്രസ്ഥാനങ്ങളുടെ ചരിത്രത്തിൽ ഏറ്റവും നിർണ്ണായകമായ പങ്കുവഹിച്ചിട്ടുള്ള വ്യക്തിയാണ് പി പി മുകുന്ദൻ. 1991 മുതൽ അദ്ദേഹത്തിന്റെ സേവനം ബിജെപിക്ക് ലഭ്യമാണ്. അദ്ദേഹത്തിന്റെ ആരോഗ്യസ്ഥിതിയുമായി ബന്ധപ്പെട്ട വിവരങ്ങളുടെ അടിസ്ഥാനത്തിലാണ് താൻ തിരുവനന്തപുരത്ത് എത്തിയതെന്നും. അദ്ദേഹത്തെ കാണാനും സംസാരിക്കാനും സാധിച്ചതായും ശ്രീധരൻപിള്ള തത്വമയി ന്യൂസിനോട് പറഞ്ഞു.

വാർദ്ധക്യ സഹജമായ അസുഖങ്ങൾക്ക് തിരുവനന്തപുരത്തെ സ്വകാര്യ ആശുപത്രിയിൽ ചികിത്സയിലാണ് പി പി മുകുന്ദൻ. അദ്ദേഹത്തിന്റെ ആരോഗ്യ സ്ഥിതിയെ കുറിച്ച് ഉത്കണ്ഠാജനകമായ വാർത്തകൾ കഴിഞ്ഞ ദിവസം ചില മാദ്ധ്യമങ്ങളിൽ വന്നിരുന്നു. ഇതിൽ ബിജെപി സംഘപരിവാർ നേതാക്കൾ അതൃപ്‌തി പ്രകടിപ്പിച്ചിരുന്നു. അദ്ദേഹത്തിന്റെ ആരോഗ്യസ്ഥിതിയിൽ സങ്കീർണ്ണതകൾ ഒന്നുമില്ലെന്നും അദ്ദേഹം വെന്റിലേറ്ററിലല്ലെന്നും എല്ലാവരെയും തിരിച്ചറിഞ്ഞ് കുശലാന്വേഷണങ്ങൾ നടത്തുന്നുണ്ടെന്നും നേതാക്കൾ കഴിഞ്ഞ ദിവസം അറിയിച്ചിരുന്നു. അതേസമയം അണുബാധാ സാധ്യതയില്ലാതാക്കാൻ അദ്ദേഹത്തെ ഐസൊലേഷൻ വാർഡിലാണ് അഡ്മിറ്റ് ചെയ്തിട്ടുള്ളതെന്നും സന്ദർശകർക്ക് കർശന നിയന്ത്രണമുണ്ടെന്നും നേതാക്കൾ അറിയിച്ചിട്ടുണ്ട്. ഈ സാഹചര്യത്തിലാണ് ഗോവ ഗവർണ്ണറുടെ സന്ദർശനം